蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年01月07日
馬上成為壹會員

元旦日秘密註冊
JJ收3.5卡鑽戒 嫁樊少皇

擁33C驕人咪咪的34歲賈曉晨(JJ)元旦秘婚做人妻,下嫁大自己9年的「力王」樊少皇,兩人於去年11月在婚姻登記處入紙,踏入2016年第一日就註冊,雖然他們都是藝人,但兩人卻低調婚訊,JJ僅在微信貼相洩密:「今天才是我們真正的紀念日!我們結婚了!」
昨日本報問JJ為甚麼低調結婚,她在電話說:「因為呢個係我好私人嘅事,我之前已經向大家交代咗結婚就OK㗎啦,之後唔想再講自己咁私人嘅事,所以想低調啲,因為我覺得工作需要向大家交代,唔係自己私人生活。」問到婚後有否生B計劃及會否減少工作專心做人妻?JJ一律拒談,只宣傳新劇:「關於家庭真係唔回應,希望大家多關注我最新主演嘅電視劇《蜀山》,我𠵱家全心全力宣傳呢部劇,其他私人嘢唔回應啦!」

相關新聞:愛低調:林夏薇山頂豪宅秘婚

酒店擺兩圍

JJ還強調不想用結婚做宣傳:「希望大家體諒吓我,張相唔係我放出去,係啲人喺我朋友圈攞走,我一直唔想去做呢啲新聞,因為結婚交代一次就夠,我唔想再去交代結婚嘅嘢,我都希望大家可以理解我,嚟緊我所有關於私人嘢,我都唔再去回應,我只會講工作,唔該晒。」
雖然JJ封嘴拒講婚事,但就有知情人士爆當日兩人在律師樓註冊,之後在酒店擺兩圍宴請親友,雖然樊少皇送了一隻價值近40萬的3卡半鑽戒,但JJ卻揀選去年在土耳其旅行買的情侶金戒做結婚戒指,行禮時新郎和JJ媽咪都感動到眼紅紅,反而JJ就比較冷靜。昨日JJ經理人回覆:「JJ話嗰日好倉卒,冇請任何圈中人,註冊第二日就去北京宣傳。」
採訪:皓騫

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載