› 選擇地區
三藩市
紐約
洛杉磯
其他美國地區
香港 台灣 北美
 
2016年01月07日

阿倫起霧撐Gin Lee
Kary冇影

李幸倪(Gin Lee)前晚在灣仔舉行記者會,宣佈加盟環球唱片,其父母也專程從大馬來港撐場,環球的師兄師姐如溫拿、陳慧嫻、劉美君、李克勤、陳慧琳、陳奕迅及張學友均拍片恭賀,惟獨不見有傳因不滿Gin Lee加盟的吳雨霏(Kary)的蹤影。
阿倫譚詠麟以神秘嘉賓身份出現,並送上No.1金牌寓意Gin Lee可以短期跑出,但影大合照時,阿倫的眼鏡突然像吳業坤般拎獎一刻起霧,他抵死說:「點解越睇越曚,我都冇攞獎,等我睇吓有冇激凸先!」

想歌影雙棲

活動後,問Gin Lee有傳她加盟環球,Kary不滿扭計,Gin Lee說:「我唔知呀,我都係啱啱加入大家庭,佢係咪放假呀?」再追問Kary未有拍片賀她,她一臉尷尬說:「唔係我安排,唔好問我,不過我哋之前有合作過都冇問題,我唔相信有呢啲事。」她透露今次是唱片和經理人合約一併交由環球負責,除了唱歌,更希望將來可以拍電影,之後問她有傳Mr.因不續約環球而被雪藏,她說:「我相信唔係真。」
同場環球高層黃劍濤(Duncan)對未能與Mr.達成共識續約一事說:「其實唔係不愉快,我哋喺合約方面傾唔到,佢哋快啲還埋啲歌,咪可以快啲去其他公司接洽,我哋一直強調要好來好去,傾唔成只係一啲條款唔協調。我哋絕對冇推job,唔止佢哋要搵食,唱片公司都要搵食。」他又否認Kary為Gin Lee加盟不開心:「佢好明白公司會有好多唔同類型歌手,佢絕對冇投訴,總之我哋會公平分配資源。」
採訪:曹家誠
攝影:陳志嵐

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載