› 選擇地區
三藩市
紐約
洛杉磯
其他美國地區
香港 台灣 北美
 
2016年01月07日

離職後節目都冇睇
葉家寶笑談亞視 死於無限Loop

【《蘋果》專訪】正所謂官到無求膽自大,為亞視賣命26年、亞視前執行董事葉家寶昨日在上環接受《蘋果》專訪,大爆亞視速亡原因:長年積弱、老闆轉手太多及節目無限loop,令觀眾唾棄,連他離職後都「好少睇」。葉家寶為亞視犧牲好多,早前因拖糧惹上官非,亦曾為「撲水」出糧受盡凌辱,將全副心機放在工作上,至今感情仍然交白卷。

相關新聞:撲水面皮厚

無官一身輕

亞視執董葉家寶早前因縱容或疏忽導致亞視拖欠22名員工逾100萬元薪金罪成,罰款15萬,其後表明若亞視再欠薪,會不情願辭職;由於亞視去年12月未能於法定期限前向全部員工發放11月薪金,因此,葉家寶已辭去亞視執行董事及董事會代表董事職務,現時亞視仍欠他數十萬,要分期歸還。

王征是黑手

無官一身輕?葉家寶昨日在九如坊一個空中花園受訪,他笑笑口說:「係。」今時今日,不在其位的葉家寶,氣定神閒,談到亞視為何會弄成如斯田地,他認為是亞視易手太多,這個亦是歷史累積問題。而亞視節目「無限loop」這一招,原來是由王征想出來,葉家寶說:「王征先生當初入主都有好多抱負同理念,但只係做做吓啲節目太過單一化,好多節目都係重播,導致觀眾慢慢離棄我哋。佢認為每日有咁多節目,如果你即日唔重播,等到第二日先重播,就可能有新進展,仲要照顧唔同作息嘅香港人,所以朝早一次,下午一次,黃金時段一次,深夜又一次,導致好多人反感,覺得亞視冇嘢睇。」
一個好現實問題,家寶離職後有否追看亞視,他說:「睇少咗,主要都係睇新聞,我又唔鍾意追劇。尤其係𠵱家亞視成日重播劇集,所以冇乜睇,加上夜晚好少開電視,就算開都係睇其他台嘅24小時新聞台。」

相關新聞:26年悲喜:策劃選美留回憶

拆解六四開

相信好多人都會質疑亞視2012年收視調查「六四開」神話,外界以為「亞視四.無綫六」,葉家寶指當年是找港大民調幫亞視進行電話調查,葉家寶堅持這個講法是對的:「都有科學根據,不過每個星期,民調只係抽三個節目嚟做電話調查,問吓有冇持續睇5分鐘或以上……」但直播或重播都計算在內,即可能與無綫觀眾重叠,「六四開」似乎存在好大漏洞。
採訪:嵐山
場地提供:蘭桂坊酒店(九如坊)

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載