› 選擇地區
三藩市
紐約
洛杉磯
其他美國地區
香港 台灣 北美
 
2016年01月15日

我主場:睇得又嗒得
葉蘊儀中女谷肥菜

「肥菜」葉蘊儀最近搞花菜擺設生意,以Minerva為名推出花菜籃。

攝影:陳志嵐
場地:Moiselle Lounge

做人太王晶的話,有樓才算成功?剛滿43歲的「中女」葉蘊儀絕不達標。至今未做過業主的她,反而活得更自在,發掘更多的可能。葉蘊儀自言現在是5%藝人身份,主力做藝術工作愛搞搞震,最新項目就「肥菜」上身,創作花菜擺設,賣菜推廣健康飲食。
撰文:梁錦雯

歌曲《中女羅生門》可能戲謔了43歲葉蘊儀的感情狀況,但近年來,她是少數敢言藝人,撐黃絲帶、電車保育、支持二次創作等議題都有她的聲音,網民封她為真女神,連她近日新搞作的花菜擺設生意,都以Minerva為品牌名,在希臘語有真女神的意思,身體力行販賣她的真態度思維。
轉型、轉行絕對不是藝人的新鮮事,葉蘊儀走向藝術工作,有定期陶瓷工作坊、洋娃娃設計師、帽子飾物設計,甚至文字創作出書等,做回小時候想做的事:「大家都唔係好認知,我職業好複雜,我已經好少做藝人呢方面,可能係5%,其實做藝人嗰時好細個,唔知自己識做啲乜嘢,咁啱開始做演戲唱歌。細細個已知自己對藝術、美術有興趣,砌吓呢樣、砌吓嗰樣有興趣。香港對藝術教育唔係咁普及,阿爸阿媽會話搵唔到錢,唔去讀arts,其實讀書都唔係睇搵唔搵到錢,係睇你鍾唔鍾意,如果唔鍾意,都冇心機讀,同埋做得唔好。」

推動健康飲食

10多年藝人生涯絕非一刀切,如今次生意的靈感卻源於葉蘊儀前年在無綫劇的「肥菜」一角,衍生她辦這個花菜概念的生意諗頭,她表示:「係『肥菜』衍生出嚟嘅idea,當時佢哋想送一個唔同嘅菜擺設畀我代表我,唔知喺邊度搵,搵唔到地方做呢樣嘢,香港真係冇呢種vegetable arrangement,不如自己試吓,再加健康食譜,推廣綠色飲食。」葉蘊儀表示外國人懂得享受生活:「尤其係關於食物嘅嘢,每個禮拜六或日會去farmer market,買新鮮蔬菜生果煮畀屋企人食。平日大家收到朋友送嘅花,我都鍾意收到花,不過地球資源開始有限,所以覺得整色彩繽紛嘅花菜擺設,收到嘅人又開心。最初係純粹砌得佢靚,之後諗吓可以溫馨煮一餐,食得又健康嘅環保概念出發。」

砌菜籃 畫食譜

葉蘊儀將花菜擺設生意以Minerva為命,有着希臘主宰智慧及手做工藝女神的靈感,她將花菜生意以藝術觀感粉飾:「我想件事係實用,加有artistic美感,用水彩畫食譜,配合番每個花菜籃嘅食材。」基本上,葉蘊儀的設計將時令的蔬菜、花卉小盆栽、茶葉、香薰蠟燭及調味料等,以藝術手法鋪排出不同主題的花菜籃。如當日拍攝時,葉蘊儀便示範以紅菜頭、法國小蘿蔔、澳洲茄子及本地水耕沙律菜砌成一個應情人節氣氛的Amore花菜籃,為配合主題在外地採購熊公仔作配飾外,更示範用此籃的食材,煮簡單美味的紅菜頭配芝士的蕎麥意粉。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載