› 選擇地區
三藩市
紐約
洛杉磯
其他美國地區
香港 台灣 北美
 
2016年01月15日

月內入院做手術
岑日珈賣果汁醫水瘤

現年21歲的樂壇新人岑日珈(Angie)畢業後投身娛樂圈發展,入行前她在父母於土瓜灣經營水果店幫手榨果汁、搬貨一腳踢,長大後為免父母太操勞,堅持外闖捱世界,自給自足,不過平時有時間,便會落舖頭幫手。近日岑日珈卻捱出病來,子宮長了7cm的不良指數水瘤,嚇得她不知所措,為免病情惡化,月內會入院接受手術。

拒問父母攞錢

對於細細個已接觸生果刀,岑日珈持刀切水果時手起刀落,完全無難度,她笑言:「其實我手瓜好有力,細細個已經可以搬起一箱蘋果,讀小學嗰陣想多啲零用錢,就落舖幫老竇手,20蚊一個鐘。」其後岑日珈加入娛樂圈,頭一年收入不多,仍然靠父母接濟,幸好目前終於穩定下來,她說:「開始穩定收入,大約每月5位數,終於唔使問爸爸媽媽攞零用錢,已經好滿意,想再好啲。雖然我冇繼承父業,但一定會幫手,如真係太攰會休息,唔算太辛苦,都係收錢、榨汁、切生果,而且同啲街坊好熟,有份感情。」

首次做女主角

提到早前驗出子宮生巨瘤,岑日珈坦言今個月底會入院做微創手術,她亦已有心理準備:「之前報道出咗,好多街坊問我屋企人乜嘢事,好擔心,其實只係水瘤有不良指數,未到惡劣cancer,但醫生都叫我盡快做手術。初時知道都好驚,乜都唔識,𠵱家有心理準備去做呢個小手術。」至於今年的工作安排,她稍後會為第一次擔任主角葉念琛電影《PG戀愛指引》宣傳,亦為電影唱主題曲和插曲,歌影雙線發展。
採訪:卓寶花

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載