› 選擇地區
三藩市
紐約
洛杉磯
其他美國地區
香港 台灣 北美
 
2016年01月15日

受聘幫華置旗下商場派錢
轉軚港女埋劉鳴煒身

大劉劉鑾雄長子劉鳴煒早前在港台節目《我係乜乜乜》,KO游學修獲封男神,其中見劉鳴煒真身後,即變節的兩名港女蘇順敏(Wendy)及崔嘉怡(Audrey)成功與劉鳴煒再行近一步,二人將會幫大劉名下、即華置的兩個商場東角Laforet及皇室堡派現金券推廣工作,昨日兩人到銅鑼灣率先試派。

兩女均學生身份

今年21歲的Wendy現修讀廣告設計及兼職旅行社帶隊,而在節目大讚劉鳴煒眼靚的Audrey則20歲,現於城大修讀社會學。二人表示透過活動搞手獲得派現金券工作,本身沒有與劉鳴煒聯絡,記者笑二人能與男神再近一步,Audrey表示:「接工作冇深究老闆,都唔會接觸到佢同佢爹哋。」Wendy亦認同,更笑言:「覺得呢啲機會不屬於我哋。」

揀男神唔睇家底

兩人同聲表示對劉鳴煒沒興趣,Audrey笑言:「個節目入面二揀一,焗住揀,就算揀游學修都有人話。」問到她們心目中的男神時,Wendy表示要外貌與言談有自信,家底是其次:「我自己嘅男神係關楚耀,覺得佢30歲年紀成熟。」而Audrey則心儀黃子華:「佢成熟又風趣,呢方面最吸引,男神唔一定要有錢,係遙不可及,用嚟J吓。」對於劉鳴煒曾發表過買樓,要少去日本及唔睇戲等言論,二人都認為無問題,指他只想帶出要儲蓄的關鍵。
採訪:王連連

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載