› 選擇地區
三藩市
紐約
洛杉磯
其他美國地區
香港 台灣 北美
 
2016年01月16日

葉蘊儀嘲太認真
王宗堯:公道在人心

左報《文匯報》批鬥《100毛》及「毛記電視」荼毒青少年,憑《中女羅生門》在分獎禮獲獎的葉蘊儀昨回應說:「我不嬲冇睇《文匯報》,其實佢哋係唔係唔清楚香港文化?just for fun,唔好咁認真。」她補充作為一位創作人,《中女羅生門》是反映中年女性的共通點:「係打氣說話,唔覺得係荼毒,我都喺《100毛》寫文章,唔覺得有咩荼毒細路,我都係一名家長。」
男神王宗堯表示每一報社都有自己編採及政治立場,他說:「究竟我哋做緊嘅嘢,係公義嘅事、對社會有正面影響定荼毒緊青少年?任何嘢我哋自己講都唔係一個準則,自己唔可以評論自己,不過公道自在人心。你心目中把道德尺,認為係啱嘅時候,你就會堅持去做,我嘅立場就係咁。」
在分獎禮分別獲頒最受歡迎男女歌星的河國榮及方健儀昨日接受電話訪問,方健儀回應說:「因為冇睇到段嘢,唔能夠好全面咁去comment。」河國榮亦不欲多講,但謂會繼續與《100毛》合作,他透露獲獎後人氣大升,經常被市民拉着合照,而現時他有多個工作斟洽,並希望盡快完成出唱片心願。
採訪:李森、魯吉

相關新聞:毛記主播晒冷 敢言新一代黃慘盈玩過亞視

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載