› 選擇地區
三藩市
紐約
洛杉磯
其他美國地區
香港 台灣 北美
 
2016年01月18日

返鄉下報喜
吳若希賺多一倍 搵真.桃花

吳若希自爆過去一年賺唔少,已經請農曆年假返鄉下報喜。

吳若希(Jinny)、Shine及黎美言(Winkie)昨日在大埔出席賀年活動,與粉絲提早賀年又唱歌表演。吳若希雖然是非多多,但今年收入勁升,她直言比去年多出一倍,會趁新年回鄉報喜,她說:「每年新年都有假期,因為我會同老闆講我唯一要求係要新年返鄉下,同家人一齊過,希望可以帶好消息返去話畀爺爺嫲嫲知。今年都算盤滿缽滿,都有一個double,利是都會封多啲,尤其係畀公司同事嘅開工利是,會封5位數字。」
面對上年緋聞不斷,Jinny揚言希望來年可以行正桃花運,她說:「可唔可以正桃花,唔好爛桃花?我會畀心機,之前都唔係真,係流言,我都期待真,到時唔介意講。」

天佑利是有出冇入

Shine透露下月開始排練舞台劇,又南說:「今次對我係一個挑戰,因為劇入面要跳舞,係自己弱項,要放多啲時間練習。」而第一年派利是的天佑說:「以前派一封,𠵱家兩封,但係冇得收,以前專登新年做嘢有利是收。」天佑笑言趕不及生小朋友討回利是。至於單身的又南表示要效法Jinny圍住桃花行圈,希望帶來桃花運,他說:「工作好密,對另一半唔公平,唔係好事,但有拖拍又唔係唔好,好矛盾。」
同場的Winkie回應格鬥真人騷和唐紫睿鬧不和:「冇必要再提,不嬲都唔係朋友,觀眾眼睛係雪亮。」
採訪:羅慧敏
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載