› 選擇地區
三藩市
紐約
洛杉磯
其他美國地區
香港 台灣 北美
 
2016年01月28日

女友爆滑雪弄傷頸
林峯操肌叫千語食自己

吳千語、莊思敏、莊思明、譚耀文和黃百鳴前晚現身旺角,出席經典賀歲片《家有囍事》的修復加長版明星特別場。由於92年《家》片上映時,屬90後的吳千語仍未出世,多年來她只能在家中電視觀看,她說:「我好鍾意星爺(周星馳),呢套戲我睇咗10次以上。」

千語傾慕星爺

千語透露有一次和男友林峯食飯,在餐廳野生捕獲星爺。見過星爺真人後,千語發覺他性格隨和,並非如外間指的那樣酷:「星爺當時主動行埋嚟打招呼,之後仲靜靜地幫我哋埋咗張單。」問千語有否趁此黃金機會向星爺自薦,她笑說:「我都希望有合作機會,不過知佢唔再拍戲,所以冇表露傾慕之意。」
日前千語被本報拍得陪林峯到中環睇脊醫,她指當日自己都有份睇,事關二人早前一齊到日本滑雪時不慎弄傷頸肌肉。由於林峯在農曆年期間,要留港為演唱會作準備,所以二人不打算返廈門過年,她表示:「應該會去佢屋企拜年,𠵱家諗緊送乜嘢賀年禮物畀佢。」現場記者隨即起哄提議她送「猴B」給男友時,千語就笑指生B要待結婚後。
前晚北風依舊呼呼吹,但莊思敏已率先穿上deep V春裝谷胸上陣,她指好多舖頭已經開始售賣春夏裝,所以她只是比其他人先着一步。

最想練人魚線

至於忙緊籌備個唱的林峯,昨日出席記者會時露出健碩手臂,他坦言最想練出人魚線:「開頭唔慣一邊嘔一邊沖涼,仲會冇力見暈,但見到出嚟好有效果。」除了狂操肌,林峯近日亦開始戒口,面對食量大的千語,林峯即說:「我同佢約法三章,你有你食,唔好叫我食。」
採訪:馬建華、王連連
攝影:仇志德、葉君海

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載