› 選擇地區
三藩市
紐約
洛杉磯
其他美國地區
香港 台灣 北美
 
2016年01月28日

珊珊細女身材火辣
曾硬撬人男友晒床照

林珊珊有女初長成,26歲嘅李怡,非常成熟,而且同不少圈中人熟諗,鬼妹仔性格攬頭攬頸只係尋常社交禮儀,咁究竟佢同崔建邦平安夜食雪糕玩扭蛋摸黑公園暗角熱身談心15分鐘再轉戰上飛鵝山係普通朋友定係暗交,真係好難講得埋。

但李怡嘅「戰鬥格」,就唔係秘密。佢就讀國際學校,打扮so hot,喺ig晒三點式好平常。曾經做過傳銷,最近改為sell yoga服飾。李怡最爆係2011年硬撬黃泆潼男友、廿四味成員阿肥(陳偉雄),導致兩人四年情玩完,未幾網上仲流出李怡同阿肥嘅疑似床照……其實只係兩人赤膊上陣合照咁啦,有指林珊珊反對李怡同阿肥拍拖,最後不了了之。

估唔到真係唔知優點喺邊度嘅崔建邦,竟然成功得到李怡垂青。昨日有周刊話,崔建邦去年平安夜趁住同居女友Kelly不在港,就約李怡夜會仲上飛鵝山,咁Kelly點知呢?平安夜呢舖佢可能睇周刊先至知,但據呢個周刊引述Kelly友人消息指(頭盔嘅嘢,你懂的),Kelly一早發現崔建邦背住佢繼續偷食,仲發現兩人互傳情慾短訊!

咁呢個同崔建邦玩情慾短訊嘅係唔係李怡?唔知。短訊有幾「慾」又睇唔到,總之「周刊引述Kelly友人消息指」Kelly係有同崔建邦吵過大鑊,男方嘅解釋係女方死纏爛打,又承諾以後唔再見佢,斷絕聯絡咁話,Kelly又信佢。

點知……其實都唔應該係「點知」,件事發展得實在太natural,唔應該用「點知」,可以用「結果」…根據報道指,崔建邦keep住同嗰個女仔繼續來往,仲唱K密會,Kelly收到風到場踢爆,崔建邦嘅解釋係:個女仔成日搵我,我都覺得唔好意思,所以先去見下佢。

真係辛苦你了崔建邦先生。

相關新聞:被指打前女友 留言嗌痛心崔建邦媾野人 珊珊管唔到

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載