› 選擇地區
三藩市
紐約
洛杉磯
其他美國地區
香港 台灣 北美
 
2016年02月09日

升呢荷包脹
坤哥後巷匿車慢慢嗒

【昨日凌晨深水埗】吳業坤捱足五年,去年年尾終於守得雲開,橫掃頒獎禮新人獎,連帶工作量激增,前晚他首年有份參與新年倒數活動搵真銀,工作過後坤哥更與三五知己驅車匿後巷食串燒、碗仔翅,享受大年初一至平民的第一餐。

直駛深水埗

坤哥前晚與周柏豪於荃灣出席新春倒數活動,昨日凌晨12時多離開時,坤哥駕車載着一位男友人,與尾隨其後另一架車的朋友,一行兩車四人直駛深水埗,原來他們專程到那裏買串燒當消夜。抵步後由坤哥朋友負責落車「掃貨」,買齊上車後,坤哥將車駛至其橫頭磡寓所附近,兜兜轉轉後再駛入一條後巷,原來他想找個「安全位」與友人嘆串燒。
前晚活動上坤哥承認最近工作量多了,但否認升呢,又指首次出席倒數活動感覺開心及溫暖,笑問坤哥銀包是否同樣「溫暖」了?他笑謂:「暖咗啲啦,係多咗啲,但距離頒獎禮到𠵱家都係個幾月,唔係好長時間,不過都有買花送畀媽咪,而且冇講價,大家都想賺啲開心錢。」他又謂初一至三會關電話休息,初四才開工拍劇。

柏豪𠱁媽咪

同場周柏豪表示今年會派五位數字利是,有指他年廿九還開工,由年頭賺錢到年尾,他說:「有工開當然好,但初一、初二會休息,初三就要開工出席花車巡遊活動。」不過他透露愛貓剛剛過身,心情麻麻的他說:「隻貓年紀都大,一直都好瘦,今日啱啱過咗身,所以嚟活動前都要幫貓辦身後事,媽咪好唔開心,今日都有陪佢tea𠱁番佢。」
採訪、攝影:朱志聰、黃曉程、陳順禎、張俊銘

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載