› 選擇地區
三藩市
紐約
洛杉磯
其他美國地區
香港 台灣 北美
 
2016年02月10日

探老友記送暖
鄺美雲帶3愛犬拜年

Cally說3隻愛犬每年𢭃到5位數字利是會捐到動物慈善機構。

鄺美雲(Cally)於昨日大年初二,帶同三頭愛犬Cash、Euro及Bank,聯同C AllStar的釗鋒,將大批保暖外套送到竹園一間老人中心。他們除了與大班老友記唱歌玩遊戲外,Cash「三爺孫」亦表演跳欄助興,Cally又透露:「稍後會錄一首佛歌同打算出一張發燒碟,上年已經想錄,但一直冇時間,最近又不停食年糕蘿蔔糕好傷聲,又唔錄得住,希望今年可以錄得成。」

Cash捐利是行善

特別喜歡農曆年喜慶氣氛的Cally,今年買了大桃花、桔樹及年花等佈置家居,與3隻愛犬一齊過年,她說:「過年盡量唔會出門,會多啲見屋企人朋友拜年同去佛堂、帶狗狗去老人院做義工,佢哋3隻都會𢭃利是,𢭃到有5位數就捐去幫動物嘅慈善機構。」
提到猴年展望,肖虎的Cally自言犯太歲,但不會特別防範:「最緊要平安健康,呢兩年累積好攰,要多啲養生,至於珠寶生意,知道零售有壓力,要盡力做好本業,仲有好多佛教義務工作。」笑問她在家中放了不少桃花佈置,問是否對感情有期盼?Cally則笑說:「我覺得𠵱家都幾好,忙碌冇諗太多,但唔會抗拒,如果有人追我,又覺得好開心,其實桃花係人緣,有善緣就好運,做生意都需要人緣。
採訪、攝影:梁錦雯、曹家誠、陳志嵐

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載