› 選擇地區
三藩市
紐約
洛杉磯
其他美國地區
香港 台灣 北美
 
2016年02月11日

【add】紅人主場:周汶錡我的小情人

名模周汶錡(Kathy)絕對是人生勝利組,愛情事業大滿貫,去年七月更趕及40歲和法籍靚仔老公誕下混血囝囝Jacques。今年情人節,首次多了這個七個月大的小情人,「自己少少變態咁,有時抱住佢,真係唔想放低,好得意呀!」朝朝狂咀囝囝,夜晚抱住不肯放。小情人冧爆名模媽咪,Kathy也期望今年再多追一個小情人!

撰文:林妙萍
攝影:郭賢興
造型:顏英儀
化妝:Omix B
髮型:Jack Ng@Kr+

周汶錡對上一次接受add訪問,陀住八個月圓渾大肚,時間一轉眼就過,今日再到影樓受訪,周汶錡和法籍老公Julien Lepeu生的囝囝Jacques已經七個月大,「佢𠵱家爆咗一粒牙仔出嚟,又𠵱𠵱呀呀學講嘢,唔知講爸爸先定媽媽先。」

帶阿B去旅行

升格媽咪後,連笑容都柔和了,Kathy猴年第一個挑戰是帶囝囝坐長途機往法國探九十多歲的太爺,「都幾緊張,有少少擔心,第一次坐咁長途,十一個鐘頭,以前坐慣飛機,最怕遇到小朋友,好嘈、狂喊;而家輪到自己,就好怕影響到人,好矛盾。今次又去兩個星期,同埋老公要滑雪,天氣都凍,新挑戰!」索媽媽其實都睇得開,最緊要笑住面對,放鬆心情「做咗媽媽之後,每一日發生嘅事對我都係新挑戰,都ok啦!到時抱住佢當一個暖袋咁行來行去囉。」

自認變態媽咪

混血囝囝Jacques大眼可愛,肥嘟嘟,除了冧爆父母,更成為網紅BB,隨便一張萌照都有幾千likes,「多likes過我呀,哈哈!不過佢真係幾得意,我𠵱家心理上好似少少變態咁,有時抱住佢,真係唔想放低,有時半夜我餵奶,好似上星期好凍,我直情同自己講:好暖呀,我唔抱你落嚟呀,好似一個變態阿媽咁。」
常說,女兒是爸爸前世情人,那麼兒子就應是媽媽的小情人,「我每日都放一張新相入佢自己嘅album入面,一日一張,睇住佢由出世到𠵱家,由七磅到二十磅,整個過程,個人仔係慢慢長大,幾得意囉,𠵱家好期待佢爬!幾好湊,唔會亂喊,通常係餓先喊。」

中藥進補再追

有情人不用老公?今年情人節她和老公、囝囝,一個大情人,一個小情人齊齊慶祝。「其實,我老公唔鍾意情人節,我哋好少慶祝,有一年試過,咁我要求去食飯,去酒店食西餐,你知好full,我哋兩個位就喺大堂正中間,好怪,一啲都唔浪漫,夾硬食咗餐大家都唔enjoy嘅飯,我哋都有共識,唔一定要過情人節。」
41歲的周汶錡,已努力食中藥進補、不設防,希望可以短期內再追一個仔女,「我真係想追多一個,想佢有個伴,好似我同Niki(周麗淇)咁,成長過程會開心好多,生多個仔陪佢去打下交,或者生個女嚟激下我,仔女都冇所謂,盡量啦!」

【BB成長日記】

【產後神蹟】

周汶錡去年剖腹產子後,只是二十多日就修身成功,體重回復陀B前,潮媽、辣媽美名之外,網民更誇譽為「產後神蹟」,「有冇咁誇張呀?你話冇脹到、啲肌肉冇鬆到,就呃你既,我係好彩囉,真係好彩。我嗰時陀仔陀得低得滯,唔可以做運動,開完刀又唔可以,係好好彩!𠵱家要重出江湖,做番瑜珈、gym先得。」懷孕時,和所有媽咪一樣,豁出去,最緊要BB,「冇得控制自己個肚幾大、嘔唔嘔,我冇特別戒口,生活都好照常,如果樣樣唔食,BB咪唔夠營養。」

更多精采時尚內容,盡在 http://add.appledaily.com 。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載