› 選擇地區
三藩市
紐約
洛杉磯
其他美國地區
香港 台灣 北美
 
2016年02月24日

𠱁.黐.就收服飄忽女友
林作要麥明詩跪低求婚

【《蘋果》專訪】因十優港姐麥明詩(Louisa)男友之名,畢業於牛津的林作,名氣一夜飆升,去年11月參選區議會敗陣後,並沒有打擊他從政的決心,至今依然關心政事。身為清洪高徒的他,近日亦磨拳擦掌準備開人生第一間律師樓。前日林作在中環裝修中的律師樓接受《蘋果》記者訪問,除了大談政治理念和抱負,對與女友麥明詩的關係,林作亦難得侃侃而談,更笑言女友如在下月14日白色情人節當日奉上求婚戒指,他會點頭答應,但就要女友跪低求婚!
撰文:王梓嫚

相關新聞:百毒不侵:人緣樣貌屢被批

十優港姐冠軍麥明詩,參選以來一直聲稱自己單身,但不久便遭踢爆有個家底和學歷同樣猛料的男友林作,二人關係最初由曖昧到近日經常被拍到出雙入對,戀情浮面。現年26歲的林作,家住麥當勞道三千呎豪宅,畢業於牛津大學,之後在港大完成法學碩士,更獲沈澄紀念獎學金,並跟隨名牌大狀清洪做徒弟,去年4月正式成為執業大律師,與女友一個劍橋一個牛津,大家同樣讀法律,package上絕對登對。

嚎哭扮悔過

林作雖為執業大律師,但記者和他做訪問,發覺他說話非但不會死板嚴肅,更與時下𡃁仔無異。對於𠱁女友有一手,他說:「其實Louisa性格唔係咁女仔,但有時都忽冷忽熱,變幻無常。印象中我冇乜喺佢面前瀨過好大嘅嘢,通常係我瞓覺冇聽佢電話,第二日就會收到佢成篇文send過嚟,篇文就講明聽電話嘅重要性。呢個時候我梗係認錯,仲要係北韓式嚎哭嗰隻悔過,呢招通常都work。之前我聽過一個主持講,話𠵱家港女擇偶條件唔係高富帥,而係𠱁黐就,我做到𠱁同就,不過我同佢𠵱家咁忙,所以黐就難啲。」
麥明詩早前出席活動時自爆2月14日情人節收到男友送的頸鏈禮物,問林作3月14日白色情人節會否再送戒指(求婚)給麥明詩時,他笑言:「送戒指,靚嘅我買唔起,律師樓下面有間鑽石店,我行親啲職員都叫我買隻戒指送畀女友。不過白色情人節好似係女仔回禮畀男仔喎!」問他如果麥明詩在那天調轉頭送求婚戒指,他可會接受?林作竟然話沒問題:「如果佢向我求婚,咁有創造力,我會扮晒女仔咁嚎哭,激動咁喊住話應承,不過佢到時要着西裝同跪低囉!」

相關新聞:唔認到認:陶傑踢爆戀情

人人愛港姐

對於近日女友正式簽約無綫成為旗下藝人,林作直指是女友經過深思熟慮後的決定,他說:「其實佢簽約我冇乜畀意見,Louisa個人好怕悶,由始至終佢都冇諗過政途同做律師,所以諗咗好耐佢最終選擇呢條路。」女友成為藝人,問到林作的家人及母親會否有意見時,他坦言:「冇人唔鍾意香港小姐嘅,以往傳統諗法好抗拒明星、戲子,佢哋嘅錯覺係藝人冇乜點讀過書,唔係真係咁有腦,其實𠵱家都唔係啦,Louisa教育背景同我相似,利用得好應該係一個優勢。」
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載