› 選擇地區
三藩市
紐約
洛杉磯
其他美國地區
香港 台灣 北美
 
2016年02月27日

父留曼谷養病暫不返台
王馨平頻撲飛泰探中風王羽

王馨平(Linda)、馬德鐘、王敏德、鄧建明(Joey)、林敏驄、鄧梓峰、吳忻熹、陳保元及林韋辰等人,昨日出席於清水灣鄉村俱樂部舉行的「蘋果日報慈善基金慈善高爾夫球賽2016」,馬德鐘與蘋果日報慈善基金董事葉一堅、清水灣鄉村俱樂部副主席王桂壎律師齊齊主持開球儀式,林敏驄、王敏德、Joey及鄧梓峰則組成型男組出賽。
Linda父親王羽,早前在泰國曼谷機場暈倒,送院後被證實急性腦出血(即中風),昨日Linda現身談及父親狀況,她說:「爸爸休養中,原本好想快啲返台灣,不過佢𠵱家仲喺曼谷,因為醫生話台灣天氣𠵱家好凍,唔係好建議呢個時候送佢返去。」她又透露:「我其實農曆新年前去過泰國探爸爸,新年就返咗嚟香港陪老爺、奶奶,因為奶奶都有啲唔舒服,不過我下星期都計劃再去曼谷探爸爸。」

馬神:golf難學難精

負責開球的馬德鐘表示:「我以前喺馬來西亞學嘅,見到啲golf場好靚,自己想落去行吓,但唔識佢又唔俾行,咁就學吓囉,但golf係難學難精,一定要放時間落去。」已有17年球齡的王敏德與Joey打了半場退賽,Joey表示腰痛難耐,不想痛極才叫停,王敏德則表示:「我好鍾意這個運動,囝囝(王躍穎)同Irisa(二女王麗嘉)都鍾意打,不過老婆Janet(馬詩慧)就唔鍾意。」
已升呢人母的98年前港姐吳忻熹,昨日得最近球洞獎,她自爆從前瘀事:「當年我參選港姐,公司安排我哋打波,我當年係唔識,我揮桿打波,打中攝影記者個頭,佢額頭立即腫咗,我好唔好意思。」
採訪:比華利
攝影:陳志嵐

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載