蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年03月01日

馮仁昭四圍超:《我結婚了》網上任聽
鍾嘉欣甩老公處女黨嘆啡 - 馮仁昭

鍾嘉欣(Linda)同相識10個月、拍拖半年、貴為無綫集團前主席梁乃鵬嘅脊醫姪仔Jeremy閃電結婚,佢仲默認有咗BB。嘉欣喺香港時間前日為單身日記畫上完美句號,佢喺facebook上載同老公深情對望嘅婚照,然後簡單寫上一句:「謝謝大家的祝福!」本報記者喺嘉欣加拿大愛巢門外日夜守候,仍然未見新婚夫婦蹤影。
鍾嘉欣揭開人生新一頁,噚日佢喺微博留言再次向所有人致謝,又守承諾公開咗自己為婚禮所作嘅歌曲《我結婚了》分享喜悅,鍾嘉欣話:「之前應承過會將我自己作曲的新歌《我結婚了》放上微博同大家分享結婚心情,希望大家會鍾意!My new chapter in life begins……lovelovelove。」

親手製回禮盒

一班處女黨姊妹團岑麗香、李亞男、苟芸慧、王君馨將各有各忙,佢哋喺臨別前再次茶敍,噚日王君馨上載合照話:「原來可以在公眾地方,簡簡單單一齊飲咖啡可以咁開心……」之後香香轉飛美國,李亞男留喺溫哥華探親,苟芸慧喺加拿大拍嘢。
另外,主播何詠雯前晚出席婚宴之後,上載咗一張婚宴回禮盒嘅相,上面寫上LJ英文字樣,盒邊更鑲有閃令令嘅碎石,何詠雯話全部都係嘉欣親手做,Linda同Jeremy嘅英名簡寫LJ都係由嘉欣親手寫上去,真係極之有心思同誠意。
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載