› 選擇地區
三藩市
紐約
洛杉磯
其他美國地區
香港 台灣 北美
 
2016年03月03日

洪金寶難過:受折磨好耐

洪金寶(左)對於老拍檔馮克安(右)逝世感到很可惜。

馮克安昨日病逝,跟他相識超過四十年的洪金寶昨日在電話中說:「知佢病咗一段時間,畀病魔折磨好耐吓,之前有試過介紹醫生畀佢,但好似冇乜用。同佢都識咗幾十年,𠵱家佢死咗,當然可惜。」導演邱禮濤與馮克安合作過《性工作者2我不賣身.我賣子宮》等電影,他在電話中說:「大約半年前元彪嫁女擺酒見過佢,原本之前我部《選老頂》都搵佢演,佢問我介唔介意佢把聲唔太好,最後因為身體問題冇演。佢係一位好好前輩,好提拔後輩。」
甄子丹曾與馮克安合作拍過《錦衣衞》和《葉問2:宗師傳奇》,身在內地的他表示:「佢係一位好健談嘅前輩,同佢合作時,覺得佢功夫好了得。」元華也說:「三個月前先喺一個飯局見過佢,當時佢坐輪椅,精神唔錯,只係中完風說話有啲唔清楚。」

相關新聞:演藝世家:父馮峰捧紅李小龍

錢嘉樂:好前輩

錢嘉樂談到這位前輩時說:「我識咗克哥三十幾年,喺我眼中佢係一個好照顧同行同後輩嘅動作指導,我哋工會喺年初三嘅春茗,頒咗一個傑出貢獻獎畀克哥,表揚佢對電影咁多年既貢獻。」劉德華更說:「從他童星到最近葉問演出,都很難忘。」
採訪:鍾國仁

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載