› 選擇地區
三藩市
紐約
洛杉磯
其他美國地區
香港 台灣 北美
 
2016年03月05日

林建名嘆浪費老父心血
張家輝:唔想亞視死

【亞視清盤】亞視臨時清盤人德勤前晚在記者會聲稱昨會遣散所有亞視員工,還會「熄掣」停播,股東代表何子慧昨早到亞視大埔總台舉行記者會,同時大晒冷一箱500萬現金及500萬支票,示意有資金作營運。德勤昨如期陸續向亞視員工派解僱信,有傳亞視昨晚6時熄機,結果如常播出《六點鐘新聞》。

相關新聞:羅力威見娘家沒落:好遺憾

林伯孫女感可惜

亞視出身的影帝張家輝,昨在九龍灣出席晚宴時,講到亞視隨時停播時說:「亞視咁多年,大家都好有感情,收視係唔理想。打個比喻,就算朋友唔飛黃騰達,你都唔想佢死。我喺亞視5年,總共10年嘅電視生涯對日後影響好大。亦唔會想亞視冇。」網友經常引用張家輝於電影《賭俠1999》中的金句「仆你個街,亞視嚟嘅喂」,他笑言:「只係角色立場,唔代表我對亞視有任何怨言。」
曾統領亞視有過風光時代的林百欣,當時其子林建名是董事會成員,他昨晚與女兒林煒珊在灣仔出席慈善餐舞會,林建名回憶說:「記得每年電視台我問董事會攞錢係億億聲,當年做得好辛苦,雖然每年唔見一億,但製作到好節目出嚟,有《我和殭屍有個約會》同《百萬富翁》等。」對於亞視搞到今日田地,浪費了當年林伯一番心機,林建名說:「係呀,唔止我哋,仲有香港人。」他直指管理層出問題,林煒珊也感可惜,她難忘陪爺爺參觀廠房及出席慶功。

蔡國威寸蘇局長

亞視舊臣徐小明大前日號召新舊員工到總台影相留念,他昨在灣仔接受訪問時直斥:「政府對電影圈好用心,對電視圈毫不關心,亞視有困難,官員冇磋商過。」對亞視被傳會熄機,徐小明坦言:「我唔忍心睇呢個畫面。」
至於亞視前藝人蔡國威和劉錫賢已先後啟動了《僱傭條例》10A條終止僱傭合約,劉錫賢昨到新城受訪時勸喻留守員工不要再堅持,他更怒插政府:「舊年亞視開始缺水缺糧,啲高官淨係話諗點懲罰佢,(亞視)已經死咗,你仲拎佢鞭屍?蘇生(商務及經濟發展局局長蘇錦樑)清醒吓啦!」同場的蔡國威也寸蘇錦樑:「好似食咗懵仔丸。」劉錫賢更不屑何子慧昨日的晒錢行為,有網友質疑錢箱裝假狗,蔡國威說:「佢啲1,000蚊紙下面分分鐘係吉。」
採訪:譚倩宜、曹家誠
攝影:沈健程

相關新聞:艾威:多一個台激發亞視潛能

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載