› 選擇地區
三藩市
紐約
洛杉磯
其他美國地區
香港 台灣 北美
 
2016年03月13日

陳柏宇旅行結婚娶女模

陳柏宇與模特兒女友符曉薇拍拖5年,感情穩定,陳柏宇早已帶女方返加拿大見家長;去年更定於明年7月2日,即兩人的拍拖紀念日結婚。為完婚作準備,兩人去年底更開展同居的試婚生活,經常在網上晒恩愛合照。

陳柏宇與湯駿業剛完成一連8場的音樂劇演出,前晚二人現身銅鑼灣唱片旗艦店舉行祝捷簽唱會,被追問到婚禮進展如何?他風騷地說:「明年7月就結婚,所以𠵱家已經開始籌備嘞!除咗旅行結婚,都會喺香港擺酒,同埋影婚紗相。我哋都知道擺酒會辛苦啲,所以都唔會有接新娘環節,但擺酒同簽紙未必係同一日,試吓搵場地先,就算分開都冇所謂,但一定會喺香港簽紙。」陳柏宇曾計劃到馬爾代夫旅行結婚,他表示計劃未變,他說:「都係諗住去陽光與海灘地方,約埋一班朋友玩吓。」
另外,舞台劇原聲大碟內收錄了陳柏宇創作的歌曲,他說:「作曲都係一年一度,因為自己唔係創作歌手,只係想分享吓心聲。」而湯駿業今次亦填了兩首歌詞,他慨嘆好難找到合適場地。
採訪、攝影:王連連

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載