› 選擇地區
三藩市
紐約
洛杉磯
其他美國地區
香港 台灣 北美
 
2016年03月17日

家輝拍《使徒行者》
闖巴西貧民窟警避走

【香港影視娛樂博覽】寰亞電影昨日在會展舉行的香港國際電影視展中,晒冷公佈今年多套重頭電影,老闆林建岳聯同張家輝、吳鎮宇、佘詩曼、任達華、陳小春和林家棟等藝人出席。其中有份拍《使徒行者》電影版的張家輝透露農曆新年期間,要飛到巴西的貧民窟拍外景。
由於當地治安麻麻,因此每日由酒店出發到拍攝場地,都需要由警察護送,家輝表示:「拍攝場地其實連警察都唔會入去,所以就換當地保安去保護我哋,我入到去見到啲牆佈滿子彈窿,聽人講早兩個禮拜嗰度先發生械鬥,拍嗰陣間中都聽到啲槍火聲,真係保安費畀得中!」

JM全裸海報唔過電檢

家輝到巴西拍攝,雖然有「驚」,但同樣有「喜」,事緣他帶了一副「魚蝦蟹」飛到當地,打算和工作人員賭餐飽,但越傳越亂,竟然傳出家輝帶了新鮮魚、蝦、蟹到當地的笑話,令工作人員一場空歡喜,他笑言:「佢哋仲叫定廚房準備,點知冇得食!」此時,站在家輝身旁的吳鎮宇即插嘴說:「人哋諗住有餐好嘢食,如果我當時喺巴西,我就搵殺手殺咗佢!」
鎮宇談到在《使》片中演何角色時,坦言連自己都未清楚,他說:「我都唔知係咪卧底,越拍越唔清楚,不過都慶幸同觀眾同步知道,咁都開心嘅!」至於阿佘就話戲中自己有大量打戲,幾乎有三分一時間要化受傷妝。而早前與經理人鬧翻的王大陸,首次以自由身拍新戲《鮫珠傳》,將會夥拍任達華和張天愛演出。
此外,日前文詠珊(JM)在影視博覽宣傳新戲《兇手還未睡》,當中海報以全裸JM被綁在床上,由於意識大膽,昨日遭電檢處禁止發佈,而電影亦被評做III級。
採訪:張俊銘
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載