› 選擇地區
三藩市
紐約
洛杉磯
其他美國地區
香港 台灣 北美
 
2016年03月18日

莊端兒胸襲亞洲電影大獎
舒淇開窿爭影后

舒淇着開窿裙行紅地毯,大方高貴。

【澳門直擊】第十屆亞洲電影大獎頒獎禮昨晚在澳門威尼斯人酒店舉行,太陽娛樂老闆周焯華(洗米華)、舒淇、羅霖偕兒子、甄子丹胞妹甄子青、張敬軒、王菀之、白只、春夏、翁子光、梁詠琪、柯震東、劉亞仁、賈樟柯和趙濤等,於下午5時開始行紅地毯,杜琪峯、法國女星蘇菲瑪素(Sophie Marceau)和高圓圓約晚上8時才出場,而李秉憲壓軸行紅地毯,星光熠熠,當中韓國女星李成敏及莊端兒則性感示人,問超低胸的莊端兒會否擔心走光?她表示:「都驚㗎!因為入面只係貼乳貼,乜都冇,男友(張智恒)睇過我套衫,佢話冇眼睇!」

相關新聞:李秉憲盼同子丹合作

王菀之要軒仔扶

舒淇憑電影《刺客聶隱娘》有份角逐影后,她穿上開窿透視長裙行紅毯,性感又高貴,她表示:「《聶隱娘》𠵱家喺法國上映,剪咗另一預告片,另一個感覺。」舒淇近日趕拍電影《健忘村》,當中要扮村姑及素顏出鏡。
軒仔與王菀之手拖手到場,婚後的王菀之明顯身形圓潤,孕味甚濃,要軒仔扶着她出場,問到是否有喜訊時,王菀之否認說:「唔係!只不過過年時食多咗糕點,生仔係好正常事,但呢啲冇得急,要順其自然。」

梁詠琪唔再性感

穿黑色晚裝的梁詠琪就擔任頒獎嘉賓,記者指她着得密實時,她哈哈笑說:「係呀,做咗媽咪就要以身作則,唔可以咁性感啦。」近日她留在澳門拍電影《骨妹》,但因為掛念女兒,有時收工會搭夜船回港,到翌日朝早才會搭早船回澳門開工。
白只憑《踏血尋梅》獲最佳男配角提名,他表示:「今次有幸出席盛大頒獎禮,心情相當緊張。」他卻被旁邊的翁子光爆料:「原來佢係淺野忠信粉絲!我話畀佢聽今晚有可能有機會見到偶像。」白只點頭承認說:「如果一陣真係見到佢,我會企喺一邊,默默支持佢。」
採訪:張俊銘、卓寶花
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載