› 選擇地區
三藩市
紐約
洛杉磯
其他美國地區
香港 台灣 北美
 
2016年03月21日

破冰合照恍然「我哋有嘢㗎咩」
華仔冇聯絡陳少霞

劉德華與洪金寶主演的電影《特工爺爺》昨在旺角新世紀廣場舉行「慈善功夫日」,及第二屆金影獎揭幕禮,大會除頒傑出電影人金影獎予洪金寶,表揚他對影壇貢獻外,更捐出10萬元予其慈善基金,及安排100位小朋友現場打功夫向洪金寶致敬。

扮杜琪峯去飲

華仔日前低調現身恩師李添勝榮休晚宴,他指添哥事前並不知情,華仔說:「我知道之後問可唔可以去,但如果我去就唔可以話畀人聽,以神秘嘉賓身份去,我個位仲寫咗杜琪峯個名,添哥完全唔知道。」
當晚華仔跟曾傳不和的前公司旗下藝人陳少霞相擁合照,被指二人關係破冰,對此華仔反問:「我哋有嘢㗎咩?」有傳陳少霞曾為復出事宜找人向華仔搭路,但華仔卻謂:「唔好提呢個人。」記者昨問華仔有否講過這句說話時,他反問:「我有冇講過呀?我真係講過?我真係唔記得喎!」一切純屬謠言?華仔笑說:「我都唔知!我都係睇報紙先知,原來我同佢破冰!」華仔表示私下沒跟陳少霞聯絡,當記者問有傳對方離婚後經濟欠佳,開新戲時會否預陳少霞一份時,華仔說:「同志偉了解過,都會關心佢。」

洪金寶拍床戲

另外,華仔透露《特》片中的自己不懂照顧家庭和關心自己女兒,跟現實生活完全相反。至於洪金寶笑言《特》片中最大挑戰是床上戲,他笑說:「我渴望好多年,終於輪到我,不過呢啲床上戲係講個老人家每朝6點起身嘅床戲。」未知洪金寶會否想找兩個孫仔拍戲?洪金寶笑說:「唔知佢哋有冇天份,佢哋仲細,但我都好希望,睇機會啦,反而我想佢哋讀書。」
採訪:黃曉妍
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載