› 選擇地區
三藩市
紐約
洛杉磯
其他美國地區
香港 台灣 北美
 
2016年03月23日

蘇菲瑪素飛釘賀老友
偉仔睇韋小寶嚇親自己

香港國際電影節和澤東電影公司昨晚於尖沙嘴舉行晚宴,老闆王家衛和太太、梁朝偉、張震、葉童、蘇有朋和杜琪峯等出席,法國女星蘇菲瑪素穿上一身白色貼身裙疑飛釘現身。與王家衛合作多年的梁朝偉,坦言本身在內地趕拍電影《擺渡人》,昨晚專程趕返港出席晚宴,他透露《擺》片拍攝進度十分順利,現已進入直路衝線階段。

拍喜劇好輕鬆

偉仔表示:「自己之前拍好多劇情片,今次拍呢套喜劇,係屬於另一個角度去睇事情。其實喜劇拍嘅時侯係比較輕鬆,出嚟嘅作品係窩心啲,畀到人有希望同正能量。」偉仔透露今年已接了三齣電影,問他會否因此冇時間陪嘉玲,偉仔笑言:「佢仲忙過我啦,從來都係咁,不過拍戲係咁,有時喺度等,有時你想要嘅題材、劇本一齊嚟。」
雖然很忙,但偉仔原來亦有留意無綫深夜重播他有份做的30年前作品《鹿鼎記》,偉仔講笑說:「我知𠵱家做到第11集,望到自己個樣,嚇親,即刻要瞓,唔睇!」
而王家衛則表示澤東電影公司今年已踏入25周年,坦言昨晚是讓一班老朋友敍舊的好機會:「時間真係眨吓眼就過,好開心咁多年嚟公司做到一啲精緻嘅作品,叫做合格。」至於剛在峇里出席完好友吳奇隆婚禮的蘇有朋,笑指自己做伴郎已是對一對新人的最好禮物,所以沒想過做人情。
採訪:曹家誠 
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載