蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年03月24日
馬上成為壹會員

底薪二千大台都棄用
楊斯雅開SM舖搵真銀

無綫近年不停流失花旦小生,無綫J2節目《安樂蝸》主持楊斯雅(Cindy)今年1月向公司提出解約獲接納,馬上回復自由。Cindy前年開始大搞性商店生意,兩年內開了四間,生意越做越好,她索性全身投入賺大錢,放棄做藝人每月僅二千多元的底薪。旺角信和店日前開幕,Cindy前日親自在店中打躉招客。

賠錢求解約

去年Cindy力谷性商店生意,不過公司對她接洽做內地成人玩具代言人有微言,令她決定離開。過去半年Cindy被雪藏,大坐冷板凳,她表示收入由爆騷月薪萬多元跌回僅二千餘底薪,在大台工作快四年,令Cindy感觸良多,她前日接受訪問時大吐苦水:「在幕前做足三年,冇人叫得出我個名,但宣傳性商店做《蘋果動新聞》訪問出街,台前同幕後終於叫得出我個名,知我開店,多咗份尊重。」Cindy今年1月離開,因為不夠騷要向公司賠錢:「唔怕啦,豪畀佢。」

離開獲祝福

Cindy指大台生存有潛規則,並非親生仔女,拍劇沒優先獲重用,她慨嘆:「公司唔簽做你經理人,就知佢冇睇好過你,劇集角色一早留晒畀親生仔女同出名藝人,剩番落嚟嘅就係監製用開嘅班底。」Cindy決定離開,同事卻紛紛恭喜她有好路數,她自揭做大台藝人辛酸史,希望勸喻少男少女入行要三思:「除非屋企有資源支持,否則一定要諗清楚,要養家千祈咪入行。」
Cindy新店撞正有平租,每月萬五元,面積有60呎,空間夠大可放更多種類情趣玩具供客人選購,她說:「新舖用盈利嚟開,大約20萬。」Cindy前日還介紹SM玩具及cosplay制服,她更抵死變身護士更揮動粉紅皮鞭並笑言:「鞭鞭有力。」問Cindy可介意被標籤做「性女」icon,她說:「冇所謂,我唔係行性感,行健康路線。」
採訪:劉敏
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載