› 選擇地區
三藩市
紐約
洛杉磯
其他美國地區
香港 台灣 北美
 
2016年04月02日

雷霆七子除剩底褲跳辣身舞
Coffee任肌男攬啜

在澳洲炙手可熱的八位雷霆猛男THUNDER FROM DOWN UNDER,明晚將會分兩個時段在會展舉行兩場演出,林芊妤(Coffee)、郭思琳和鄧洢玲(阿旦)昨日獲安排在銅鑼灣睇優先特別場,先睹為快與其中七位猛男近距離接觸,面對腹肌男由有衫有褲跳到除剩底褲,企正面前騷朱古力腹肌,本來拍住手睇表演的三位女士,不到三分鐘便變到面紅耳熱,嘩聲四起。

「錫咗我一啖」

昨日最怕醜的是思琳,她被其中一位猛男站在面前擘髀夾實雙腿兼捉手摸腹肌,嚇到即時掩嘴狂笑,而Coffee除被猛男邀請跳貼身舞外,還大顯瑜伽功架做空中一字馬,其中兩位猛男對Coffee及阿旦明顯好有興趣,表演後捉兩人「炒牌」,又約她們到中環狂歡。
Coffee承認有跟對方交換電話,她笑說:「有交換咗電話呀!佢仲叫我做佢導遊㖭!」之後佢又自爆:「都𥄫到兩、三個幾靚仔㗎,我以前唔鍾意咁多腹肌,反而鍾意肥仔,但可能人大咗就唔同咗,今日仲有一個錫咗我塊面一啖。」
阿旦被其中一位猛男黐到實,連她之後有工作都說要陪伴同行,她說:「佢話會喺香港留幾日,叫我做佢導遊,有同佢交換咗Instagram。」問她可會考慮發展異地戀,阿旦表明不會:「以前都有同ABC拍過拖,始終覺得思想唔同,但如果身邊有一個咁大隻嘅男仔朋友會好開心。」
採訪:小米
攝影:沈健程
場地提供:拳王泰國餐廳

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載