› 選擇地區
三藩市
紐約
洛杉磯
其他美國地區
香港 台灣 北美
 
2016年04月02日

柏豪無懼寸嘴宗堯 爭一哥鬥搶客

劉心悠昨日35歲生日,前晚忽然性感,大騷腹肌,並獲周柏豪(右)及林德信吻賀。。

劉心悠、周柏豪、林德信和蔡潔主演的電影《我老婆係明星》前晚在旺角舉行首映,昨日是心悠35歲生日,大會在首映禮上準備蛋糕為她慶祝,悉心打扮的心悠,穿上短褲露腰大騷腹肌,她說:「腰位清涼,有啲唔慣,今次算係第一次。腹肌之前仲明顯,近排因為成日飛,所以冇時間操練,如果要操番,兩個星期就會出現番。」
蕭定一入股周柏豪公司Starz People,隨即傳出王宗堯跟柏豪爭做一哥,暗寸周柏豪只是歌手,柏豪說:「我諗大家誤會佢意思喇!佢係我師兄,佢入行早過我,其實大家都係唔同公司,兩間公司近期好多合作,好多機會見到,我都要跟佢學吓嘢,佢好多經驗。」柏豪亦不相信對方搶客,因為大家客戶和形象不同。

「有批評先有進步」

王宗堯被指經常批評其他人,如莊思敏,柏豪說:「我唔知,我唔知佢有批評,有批評係好事,有批評先有進步,我係接受批評,自己好少批評人,我只會批評自己,每晚瞓覺都會諗番自己達唔達標。」
同場的莊思敏對柏豪和王宗堯之爭,她說:「對佢(王宗堯)啲新聞我唔想回應,不過,祝柏豪好運。」不過,對於傳聞王宗堯勸老闆蕭定一考慮不跟莊思敏續約,她表示沒聽過,跟公司還有一年約。
採訪:黃曉妍
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載