› 選擇地區
三藩市
紐約
洛杉磯
其他美國地區
香港 台灣 北美
 
2016年04月02日

城城女友Moka唔見銀包
咁又要食負皮

弊啦!弊啦!郭富城嘅上海女朋友方媛(Moka),昨日凌晨係微博到失眠喎,但原因並唔係因為太掛住男朋友城城,原來係佢唔見咗個銀包呀!好彩唔係唔見手機咋,唔係咪可能會唔見晒同城城影嘅甜照囉!

昨日凌晨3點幾,Moka就係微博到留言:「居然失眠了!發張今(昨)天工作照~~我想我應該很快就會忘掉丢皮夾這件事了吧!」Moka因為唔見咗個銀包而失眠,唔通個銀包係城城送嘅?好彩唔係唔見手機咋,你知啦,0依家大家都鍾意用手機嚟影相啦!唔見手機,即係唔見好多回憶架嘛!所以好多網友見到Moka話唔見咗銀包,即刻留言安慰Moka,提醒佢記得要補領證件,同讚佢好靚。

但都有好多網民留言批評Moka,有網民就話Moka係微博到話唔見咗銀包,一定別有用心喎,話佢可能見最近人氣下滑,或者又就有電視或電影要做宣傳咁,又問佢銀包係咪有同城城嘅合照;又話佢係咪特登寫俾城城睇,等佢「識做」之類,仲有好多網民話佢啲相PS過度,搞到個面唔對稱之類。

Moka嘅Fans見到呢啲留言都好戥佢唔抵,話人哋唔見咗銀包喺到留言,都係想大家安慰下啫,點解又要比人話佢博宣傳之類嘅惡意批評。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載