› 選擇地區
三藩市
紐約
洛杉磯
其他美國地區
香港 台灣 北美
 
2016年04月10日

樂極遇劫撞爆眉角見紅
二汶墮台入院:個人慢咗

林一峰與林二汶兩兄妹前晚在旺角麥花臣場館齊齊開騷,同場有樂隊RubberBand、DJ少爺占及Donald做表演嘉賓。二汶在台上唱到尾聲心情甚high,沒為意台上有罅不慎墮台,在旁的一峰即扶她起身及入後台,當時已見二汶的左眉角撞爆,不斷流血,工作人員即為她叫白車送院。

一腳踏空

二汶到了法國醫院檢查,在等候期間她的左額角已貼上紗布,又不時與友人講笑,又按手機,全程神態自若。
檢查後二汶接受本報訪問:「方才係踏錯腳,結果一腳踏空,就跌咗落去,都唔知自己流血,係哥哥提醒先知,應該冇乜嘢嘅。」問到有否頭暈,她就合十表示:「只係個人慢咗。我冇事,多謝大家關心。」一峰在完騷後表示妹妹無事,更笑言是小劫。

推辭電影

昨早二汶在fb報平安,透露傷口縫了七針,她原定昨日出席梵音歌唱家女尼瓊英卓瑪宣傳活動,最終缺席,由一峰獨力撐場。一峰指二汶要休養:「我個妹去咗急症室之後,其實我係好驚,因為佢話見暈,但原來佢只係肚餓,媽咪send咗幅相畀我,佢話妹妹食得好開心。」他又透露二汶因受傷要取消彭秀慧執導的電影工作,問會否怕她有疤痕,他笑言:「未諗,個人開心就得,同埋佢係靠把聲搵食,喺我心目中,佢點都係好靚。」
採訪:黃曉妍、盧妹、黃曉程
攝影:仇志德、沈健程、羅德光

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載