› 選擇地區
三藩市
紐約
洛杉磯
其他美國地區
香港 台灣 北美
 
2016年04月15日

有話兒:《老笠》夥新導有新嘢
林雪:港片實撐

林雪跟崔碧珈分別拍攝及睇港片大,日前接受專訪時表明無論在公在私都力撐近日的「港片潮」。攝影:沈健程

林雪拍過的港片不計其數,由早期與周星馳合作的《回魂夜》、《食神》,到前年陳果導演的《那夜凌晨,我坐上了旺角開往大埔的紅Van》都有他的份,近期就連毛記電視台的「第一屆十大勁曲金曲分獎禮」都玩埋一份,可想而知他有幾玩得。林雪覺得港片好玩是因為可以肆意妄為、任意顛覆,對近期一群年輕導演崛起,日前他接受本報專訪時大叫「我撐港片!」是時候給年輕導演多點機會。
撰文:何永寧

港片近日來勢洶洶,先有獲獎電影《十年》,接踵而來是已上映的《樹大招風》,不日上畫的有《一念無明》、《點五步》等,共通點是由年輕導演主打,題材本土、好玩、有風駛盡隽。
講到拍港片不能少的當然是要真。林雪早前為自己有份主演、帶點cult味的港片《老笠》宣傳,同場還有崔碧珈。談到近日有多部年輕導演拍的港片上映,林雪直言是好事:「當然支持新導演,佢哋會有啲新嘢諗。其實應該係咁,多啲港片拍吓,多啲創意。佢哋講嘅嘢舊時啲導演未必講到,你都要畀機會人哋(新導演)實踐吓,如果你叫到我,你話幾多(錢)我咪嚟囉,港片我實撐。」

相關新聞:崔Big瓜騷胸有發揮

「講粗口好普通」

林雪笑言除了拍港片,另一個可以令到自己隨傳隨到的導演就是杜琪峯:「杜琪峯會話『你聽日嚟吖』,佢唔會問你得唔得㗎。」談到在《老笠》中與新導演火火合作,他說:「同新導演有商有量,唔係話舊導演唔會,好似火火咁鍾意互動,你畀意見佢仲好。同埋新導演嘅想像空間大,會加入一啲社會問題,港片就係要呢啲動力。」他在《老》片中飾演一名便利店老闆,對白還要「講粗口」,他笑說:「講粗口都好普通箒,大把人講,可能我講得比較順口,深入民心。喺電影入面講少少粗口冇問題,唔需要大驚小怪。」
經常幫《100毛》拍片的林雪,早前毛記的「第一屆十大勁曲金曲分獎禮」,他都身體力行拍了一條「不得獎感受」短片,反應熱烈。講粗口難不倒林雪,反而對會否再參加即將舉行的「萬千呃Like賀台慶」節目,他有點欲言又止:「一次半次OK嘅,正面啲就係唔可以太過份,講啲唔關於藝人嘅嘢,因為要負責任㗎。」
場地提供:九龍灣展貿

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載