› 選擇地區
三藩市
紐約
洛杉磯
其他美國地區
香港 台灣 北美
 
2016年04月24日

新劇《三一如三》擔大旗
ViuTV女神袁澧林:時勢造就我

【電視執位】新台ViuTV敢於創新,除有新節目,亦有新面孔。ViuTV下月開拍的處境劇《三一如三》起用氣質新人袁澧林(Angela)做主角,成功帶出一位新女神!
Angela早前替ViuTV拍開台網劇《WEIU》已嶄露頭角,不賣萌樣,亦沒有大眼濃妝;一頭清爽短髮加上淡淡妝容,反而更加吸引。有網友封Angela做「文青系女神」,覺得她不止靚女,還具仙氣。模特兒出身的Angela昨日在電話中表示受寵若驚:「好少形容自己係文青,可能大家未發掘我另一面,其實我都好sporty、跳跳紮,仲係一個好大膽鍾意冒險嘅人,希望遲啲以唔同角色,畀大家認識更多面嘅我。」對於被捧做「ViuTV女神」?她說:「更加係超意外驚喜,估唔到免費電視力量咁大,大家對ViuTV期望咁高,覺得時勢造就咗我。」

浸大會計系學生

Angela繼續賣口乖,表示好開心ViuTV給予拍劇機會﹕「《三一如三》係我第一部劇,覺得ViuTv都幾創新同大膽,其實有諗過如果佢揀有知名度嘅演員,會比較穩陣,但佢哋都決定畀機會我哋一啲年輕人,我覺得幾驚喜,可能係導演陳志發自己本身都係新晉導演。好多謝ViuTV呢個電視平台,俾機會給我哋呢班冇知名度嘅新人,培育我們,令觀眾可以透過這平台認識我們,給大家有唔同選擇。」
今年22歲、身高1.7米的Angela現就讀浸大會計系三年班,中學時參與過六四及七一遊行,她說:「自己係大學生,對社會事情會好敏感,每個人都應該了解時事,想盡自己能力關心多啲社會嘅人同呢個社會。」Angela表示家人好支持她入行,稍後還會接拍一部澳門電影《哪一天,我十七》。
採訪:皓騫、嵐山

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載