› 選擇地區
三藩市
紐約
洛杉磯
其他美國地區
香港 台灣 北美
 
2016年04月28日

轉讀國際名校投所好
楊思琦囡囡洋化愛英語

思琦(中)為女兒轉讀國際學校,透露囡囡好鍾意跟外國小朋友溝通。
《壹週刊》圖片

楊思琦做單親媽媽獨力照顧囡囡楊卓穎,早前有傳現讀K1的卓穎因為太百厭,老師擔心她影響其他同學,思琦沒法下惟有幫囡囡退學。最近卓穎由德望小學暨幼稚園轉讀英基國際幼稚園,思琦昨日在電話中承認已幫囡囡轉新校,她說:「因為佢性格比較好動,佢鍾意同外國小朋友玩,又鍾意講英文。之前話囡囡喺嗰間學校表現唔好,其實唔關事,唔好咁講小朋友,佢好乖,乜都唔知,見哥哥姐姐影相都有say hello,好有禮貌。」

學費貴足兩倍

對於負面報道,做媽媽是否很心痛?思琦說:「都有啲唔係咁開心,因為實質佢唔係真係曳,話俾人趕走,唔係咁嘅原因。我純粹想幫囡囡搵一間適合佢嘅學校,佢都好聽話好乖,老師好鍾意佢。」
有指英基屬貴族學校,不獲政府資助,學校課程以英語及數學為主,但每年學費要八萬四千元,比德望貴足兩倍,問思琦可感吃力?她笑說:「努力啦,好多家長都係咁,有小朋友就要加把勁。」

自稱獎罰分明

據悉思琦還給女兒在課餘時間學習跳舞、唱歌、溜冰等活動,培養囡囡多方面才能,問到是否怪獸家長,有否過份溺愛小朋友?思琦說:「我都獎罰分明,唔啱會話畀佢聽,邊啲正確邊啲改善,但我唔主張體罰,會同佢講道理,屋企有個位置令佢冷靜,唔乖需要時間諗吓就畀佢企嗰度,諗清楚就同媽媽講,唔使打,佢自己好快諗通,然後say sorry。」
採訪:嵐山

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載