› 選擇地區
三藩市
紐約
洛杉磯
其他美國地區
香港 台灣 北美
 
2016年04月29日

親述遊芬蘭住民宿險被姦
阿詩遇性興奮屋主 30分鐘驚魂

何韻詩早前與高皓正去愛爾蘭拍ViuTV真人騷《跟住矛盾去旅行》,之後她孭背囊獨自去北歐流浪一個月,怎料在芬蘭遇到鹹濕屋主還差點被強姦!有傳阿詩半裸雪地逃亡,她怕傳聞越傳越離譜,故昨日凌晨自揭真相,形容當時心情:「真係好驚!」

赤裸被求抱抱

阿詩表示透過Airbnb訂了一間一家三口的家的房間,入屋後女主人狀態超迷,屋內有許多啤酒罐和煙頭,她說:「又話好開朗嘅一家三口?」原本隔壁房間還有一家人同住,但其後搬走,阿詩的恐怖經歷便開始。
其中一晚男戶主飲到醉醺醺要求與阿詩hug(擁抱),阿詩不以為然:「覺得可能『芬蘭人都係咁』。」之後到地牢焗桑拿,阿詩焗到一半要求男戶主加柴火,對方上身冇着衫僅穿leggings,又突然要求hug。阿詩心感不安,準備快快沖身後返房,但對方突然拉開浴簾入去,阿詩立即披上毛巾,而對方下身亦披住毛巾,阿詩謂:「重點係,佢個下體係明顯地勃起了!……個變態佬仲要故意跨過我,問要唔要一齊?此刻嘅我,嚇到個心狂跳。」

冰上極速逃亡

阿詩極速返房後,還聽到「變態佬」與老婆「XYZ」的聲音,最後找藉口離開:「我話想去睇極光,九秒九執晒包袱,撇!勉強在冰上快步離開,一路行就一路回頭望,每次有車經過都驚一驚,半個鐘後,終於走到去市中心臨時入住一間酒店。嗰三十分鐘冰上逃亡係我人生最可怕嘅三十分鐘!」
高皓正昨日在電話提到阿詩的可怕經歷時說:「我哋成班工作人員有個WhatsApp group,佢冇着,得塊布,叫天不應叫地不聞,所以佢先咁驚。」問他有否安慰阿詩?他說:「有,佢真係唔知自己原來咁attractive(吸引),但最後平安絲毫無損,係一件開心事。」而阿詩的《矛盾》將於下月9及10日晚上10時播出。
採訪:嵐山

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載