› 選擇地區
三藩市
紐約
洛杉磯
其他美國地區
香港 台灣 北美
 
2016年04月29日

張嘉兒火速有喜
「聽BB心跳好真實」

張嘉兒去年9月跟老公Nathan在加拿大溫哥華成婚,婚後四個月火速造人成功!張嘉兒昨日在將軍澳的宣傳活動上報喜,她接受本報電話訪問時開心分享說:「多謝!𠵱家已經有三個幾月,預產期係年尾,暫時未知仔定女,要下次去照先知,不過生仔生女都冇所謂!其實冇諗過咁快有咗,諗住過吓二人世界先,不過知道有咗BB都好感恩!」
首次懷孕的張嘉兒暫時未有對食物敏感,不過坐港鐵、搭的士就會作嘔,所以嘔吐袋要跟身。講到初為人母的心情,她說:「好開心!初初嗰三個月比較攰,唔係好enjoy,但𠵱家照超聲波睇到BB郁手郁腳,我老公又買咗個聽心跳嘅機,久唔久聽吓BB心跳,樣樣嘢𠵱家開始好真實!我哋仲開始買BB用品㖭!」工作方面會不會減少?嘉兒說:「暫時唔會拍劇住,會做啲輕鬆啲嘅工作,其實我都唔介意做,因為一路都好精神。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載