› 選擇地區
三藩市
紐約
洛杉磯
其他美國地區
香港 台灣 北美
 
2016年04月29日

杜汶澤:政府幾時揸得咁正

阿澤昨在意大利出席電影節,暗寸政府應特事特辦處理黎明個唱。

身在意大利出席烏甸尼電影節的杜汶澤都有留意黎明個唱「被取消」事件,他說:「我都問緊,點解咁遲至通知,今日至見到啲帳篷咩?你年初一又唔畀賣魚蛋,黎明又唔畀開演唱會,你想點呢?香港政府啲嘢幾時揸得咁正呢?機場啲嘢又唔見你揸得咁正。當一個城市連機場保安都咁求其,咁龍和道一個帳篷算得係乜呢。」阿澤更表示:「黎明係我好朋友,亦係一個大娛樂家,應該特事特辦,香港唔可以咁對黎明!講完。」
有份擔任今次黎明個唱舞蹈員的HunterZ成員鄧詠雪,在後台獲知演出取消後接受本報電話訪問,她說:「原本有份跳三首歌,但突然有工作人員話暫停化妝,𠵱家等緊安排。」

相關新聞:輪住取消:華仔悼念歌迷取消開騷

關淑怡:好愕然

剛於紅館開完演唱會的關淑怡也大感愕然,她出席活動時說:「好愕然,乜唔係應該攞晒牌照先可以起場地?我諗唔關黎明事亦唔關政府事,係幫演唱會搵物料部門嘅人問題,佢哋要知道邊啲可以通過。」琦琦更擔心今次會為大會造成重大損失:「我諗Leon一定好嬲,fans亦好失望。因為等咗咁多年先開演唱會,好多人由馬來西亞、新加坡或美國飛返嚟睇,咁遲先通知,好upset。」
採訪:何永寧

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載