› 選擇地區
三藩市
紐約
洛杉磯
其他美國地區
香港 台灣 北美
 
2016年05月01日

千語捧首場目擊意外頻生
林峯血灑舞台 爆肌自冧

林峯一連三日在紅館舉行「林峯Heart Attack演唱會2016」,前晚首場女友吳千語坐正在第一排監場,林峯在紅館飛天遁地,賣力演出,唱到第二首歌《Broken》因激動自摸被衣飾𠝹傷左手血灑紅館,之後在機關重重的升降台上跳舞、做引體上升展示力的表現,而狂操兩個月減磅的林峯即場扯爆小背心大騷朱古力肌,再一輪勁歌熱舞,淋水濕身,玩噴火冧爆粉絲,絕無冷場!
不過,其間發生了一個小插曲,林峯演唱會首個設計可到達山頂位的升降台,在繞場一周後發生少許故障,突然停在半空半天吊。

嫌轉速慢

頭場完騷後林峯接受訪問,被問到血染紅館時說:「係第二首歌《Broken》整親,對上一次演唱會唱《Broken》都係咁。」提到舞台機關有少許故障,他說:「OK,第一日緊張少少,之前練咗啲高難度動作,仲未可以做到,吊到山頂嗰部份唔驚,只係因為有畏高,升台心理壓力大,因冇任何安全措施,至於個旋轉台速度可以去到時速50,頭場開到30,如果配合首歌希望之後可以再轉得快啲,效果會仲好。」
苦練兩個月,林峯在台上對粉絲說:「不嬲想做爆衫動作,今次有足夠時間,出來效果大家滿唔滿意?」他更表示:「佢(吳千語)都鼓勵我,見我練咁辛苦,都叫除出嚟畀大家睇個成果。」提到吳千語坐第一排,當他唱《愛不夠》時是否向着女友情深對望,他說:「唔會喇。」此外,早前林峯接受訪問表示家中只看ViuTV,所以大台仍然未有派員採訪,但是大台高層樂易玲有前來欣賞。
採訪:馬建華
攝影:陳志嵐

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載