› 選擇地區
三藩市
紐約
洛杉磯
其他美國地區
香港 台灣 北美
 
2016年05月07日

黎明 黎明 支持你!

黎明為慶祝入行30周年,特意選在中環海濱活動空間舉行首個4D演唱會。沒料到上月28日臨開騷前夕,個唱因選用了不符消防安全規定的中國帳篷,不獲食環署發牌開騷。直至翌日黎明壯士斷臂將帳篷拆去,始獲發牌,坎坷過後有騷開!

相關新聞:Leon陪坐摩天輪

雖然演唱會因拆去帳篷而影響4D效果,但仍無損觀眾熱情,不論核心內圍睇騷粉絲,還是核心外圍「聽」騷的市民,全程投入。黎明台上演出固然精采,但他轉危為機、勇於承擔向市民道歉的表現,最令人深深感動和讚賞,本報記者連日訪問了到場睇騷的fans,除韓國及中港台歌迷外,更有大肚粉絲專程由美國三藩市來港支持偶像,感激黎明帶給他們歡樂和美好回憶,又大讚黎明是個有承擔的男人。

而黎明今次個唱亦獲不少紅星撐場,有曾傳緋聞的李嘉欣與老公許晉亨,又有譚詠麟、李克勤、鄭秀文、陳奕迅、容祖兒、林嘉欣、周慧敏、陳慧琳和吳君如等,粒粒皆星,其中Eason更睇足兩場,相當畀面!
今晚,是黎明8場個唱最後一場,買不到飛的朋友,不妨去核心外圍聽歌!
採訪:譚倩宜
攝影:馮峰

相關新聞:細個見佢投票俾黎生坤哥帶阿媽去核心內圍睇騷

【情深說話未曾講】

【盧巧音、Sammy@Kolor、謝日昇@Kolor】
「Leon多謝你!你記唔記得我曾經同你同一間公司呢?不過唔記得都唔緊要。好多謝你咁多年嚟,送畀香港樂迷咁刻骨銘心嘅情歌,所以真係要鄭重多謝你!」

【大肚Michelle(三藩市歌迷)】
「我想多謝Leon,就特登喺三藩市返嚟。好多謝佢堅持開呢一個騷,有好多唔係黎明粉絲嘅朋友,都欣賞佢嘅,有承擔係好嘅,係應該咁樣做嘅!BB都係鍾意舊歌嘅,或者快歌,我聽佢(BB)都會踢我!」

【陳小姐(廣東歌迷)】
「我係之前睇唔到嗰場睇番嘅,冇失望呀,冇唔開心,當日大家都唔想,Leon都係為咗我哋嘅安全,佢係一個好有愛心,同埋一個充滿正能量嘅人嚟嘅,我覺得佢係香港嘅驕傲。」

【Margaret(韓國歌迷)】
「黎明哥哥,我好開心,好耐都冇睇過你演唱會,雖然我自己住喺香港,不過都好少機會見到你。因為鍾意黎明,所以想學中文,跟住同香港人結婚,生小朋友,𠵱家做咗媽咪,睇佢演唱會,聽得明佢講乜,我覺得我係一個好成功嘅fans。希望你身體健康,唔好唔記得我地韓國fans!」

【陳小姐(雪糕小販)】
「我好感激佢呀,因為佢今次嘅舉辦,令我哋基層嘅市民有得益,雖然我哋冇錢買到飛,我哋喺出面又聽到啦,佢又唔介意啦,好開心!其實我哋出面嘅氣氛好好㗎!佢自己唔知㗎咋!好欣賞佢,同我感激佢吖!」

【Vera(三藩市歌迷)】
「我係特登放低兩個女,喺三藩市飛返嚟,15個鐘頭飛行時間都係值得嘅,好多人都問我哋點解咁鍾意黎明,係咪因為淨係佢靚仔?我話唔係呀,你要明白佢個人表達自己好好,我覺得係一個榜樣!」

【謝小姐、許先生、陳小姐(台灣歌迷)】
「我們4月28號有來,我們是來第二趟,排除萬難,我覺得他處理事情的態度,像這次演唱會那樣,面臨這種問題他處理得非常好,使我更加欣賞他。」

【Chloe妹妹(香港歌迷)】
「Hi Leon,今次係我第一次睇你嘅演唱會,好高興見到你呀,你好靚仔呀,我希望你會帶我上舞台呀!」

【Pauline(廣州歌迷)】
「喺今次演唱會上,我都好替你擔心嘅,我都支持咗你30年喇,我個仔都係你fans嚟㗎,今次你嘅演唱會做得好好呀!Good luck!」

【Mary(廣州歌迷)】
「多謝你帶好多歡樂畀我,我成日跟你去巡迴演唱會,多謝你今次都好辛苦,𠵱家有咁美好結果,我哋大家都好開心。」

【劉小姐(香港歌迷)】
「雖然嗰日取消咗,但我覺得冇問題囉,因為都唔關Leon事嘅。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載