› 選擇地區
三藩市
紐約
洛杉磯
其他美國地區
香港 台灣 北美
 
2016年05月07日

【童叟無欺】Keep住微笑爆金句

黎明金句多人人都知,但今次他排除萬難開到騷,感受自然更深,亦因此令他在每場爆出更多金句,每句都好真好pure!

相關新聞:Leon陪坐摩天輪

【29/4】

講微笑:多謝大家支持我,我成日覺得好多時候,自己好想靠自己,遇到問題要keep住微笑去經營一件事,但其實係好難笑得出,但都要keep住笑。放心,漫漫悠悠歲月,我個人好記恩,我一定回報大家。

【30/4】

講握手:握手唔係好難,都係一件好簡單嘅事,但要睇乜嘢場合去握,係一件好難決定嘅事,我喺呢度用心靈嚟同大家握手。如果我喺呢度同大家握手發生咗乜嘢意外,後面嘅人就要陪我哋一齊犧牲,本來我想親身落嚟同你哋握手,但𠵱家係行唔通。

講加油:上一排要去外國做個真人騷,節目入面要做好多危險動作,身邊好多人叫我「Leon!加油!」,但我覺得,叫我「加油」,即係叫我去死,所以都係叫我good luck!

講剝衫:大家有冇發現我喺台上時間多咗?因為我冇換衫!(有觀眾叫佢除衫)我從來都唔覺除衫係鹹濕,人一出世就係冇衫着,係人嘅眼神同思想支配咗。

相關新聞:細個見佢投票俾黎生坤哥帶阿媽去核心內圍睇騷

【1/5】

講萌:我去過唔同地方做唔同綜藝節目,就俾人話我『你好萌』,萌即係以前我哋講嘅cute,不過後面就加個「叔」字,萌叔!

對核心外圍講嘢:野餐唔緊要,有人帶埋紅酒 ,parma ham,最緊要唔好燒雞翼,同燒有關都唔好燒嘞!

講粗口:講粗口好認真,廣東粗口有啲係好難聽,但英文就冇事,可能你慣咗英文粗口教育,其實國語廣東話韓文都有粗口,有啲特別情況下,係特別到你冇辦法解釋自己,你就要加個字落去,冇人會怪你嘅!

【2/5】

講廣東話:其實內地好多朋友的廣東話好叻,唔使同佢哋講普通話都聽得明,好多時同事跟佢哋講普通話,大家根本聽唔明,不如佢哋講廣東話好過!

帳幕升唔起:不如大家停一停,借呢個機會,同身邊嘅人傾偈。

【3/5】

講結婚:有家庭嘅就要好好珍惜自己嘅老婆,亦都唔好一結咗婚就老虎上身(講緊為人老婆),呢啲要視乎性格。後生嘅時候一定衝動,嗌交嘅時候可能會踢門呀,撞牆呀,是但一樣都會。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載