› 選擇地區
三藩市
紐約
洛杉磯
其他美國地區
香港 台灣 北美
 
2016年05月13日

林日曦自抦台慶悶!

毛記電視首屆「萬千呃Like賀台慶2016」前晚於灣仔會展舉行,ViuTV作現場直播。全晚共頒發最like男、女主角及最like節目三個獎項,並分別由視帝后夏雨和李司棋,以及盧海鵬頒獎,結果專家Dickson和黃慘盈分別奪男、女主角,《星期三港案》當選為最like節目。

相關新聞:五大拖拉:東方昇超時棟篤笑

兩度道歉

雖然毛記台慶有林雪、盧冠廷、夏雨、李司棋和趙學而等助陣,但節目太過冗長又勁甩,氣氛大打折扣。身為毛記腦細的林日曦,為此兩度在facebook道歉,他說:「我哋做咗一個低於期望、好多甩兼非常冗長嘅show出嚟,悶親大家……對唔住。」
林日曦指前晚出現很多意外,尤其cue騷嚴重錯誤,令場口之間不連接,加上不少影片到最後一刻才拍好,因而沒機會綵排。他說:「講到尾,係我哋幾個負責去度嘅人嘅問題。噚晚去逐一道歉時,肉肉麻麻尷尷尬尬咁,我係冇同班朝見口晚見面嘅同事講。但我心底裏其實最想同佢哋道歉,因為佢哋花咗好多心機、時間、汗水同眼淚去籌備、排練,但就因為我哋編排失當,搞到佢哋得唔到佢哋應得嘅一面倒讚賞,Sorry。」
雖然毛記台慶甩晒碌,但於ViuTV直播最高錄得9點收視(約60萬觀眾收看,平均收視也有7.6點(約51萬觀眾收看),無綫同時段三個節目《火線下的江湖大佬》、《殭》及《星星探親團》收視均告下滑。
採訪:王連連、曹家誠
攝影:陳志嵐、沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載