蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年05月18日

主持ViuTV《歐遊全細界》
蔡雪瑩跳脫追夢

【ViuTV專訪】繼《跟住矛盾去旅行》後,ViuTV全新旅遊節目《歐遊全細界》找來前年除下新聞主播光環的蔡雪瑩,與陳子豐到訪7個歐洲小國。蔡雪瑩實現了在鏡頭前跳脫表現的夢想,不過她卻大呻後悔,忍不住說:「點解露出真我!」陳子豐大讚拍檔說:「我哋公司都係實況娛樂,其實除咗去廁所之外,所有嘢都畀你睇晒!」
撰文:何慧斯

蔡雪瑩現懷有5個半月身孕,她和陳子豐主持的ViuTV節目《歐遊全細界》今晚10時半首播,兩人日前在柴灣接受本報訪問,重提拍攝時的旅遊點滴,仍然密密傾密密笑:「我哋今次係20日去7個國家拍攝,但係其實如果計埋我哋留咗腳毛嘅地方,直頭有十幾個,淨係內陸機都坐咗5次,就算坐車都要喺凌晨出發。」
今趟過程趕急,不過提到旅遊模式,蔡雪瑩笑說:「我哋去咗7個地方,我就做咗6次有錢人,試過連啲工作人員未玩都認定子豐係輸家,搞到子豐都忍唔住投訴!」子豐續說:「10蚊歐元(約88港元)真係好難用,只係夠用嚟坐晒車,變咗我食飯嗰陣都會黐住佢哋,食佢哋跟餐啲麵包充飢。」接着蔡雪瑩又說:「佢仲試過喺盧森堡一間中國餐廳幫手洗碗先可以有飯食,搞到啲老闆以為啲亞洲女仔成日都糟質啲男人。」可惜他們很少會去到旅遊區,商舖早早關門,大部份金錢都花在食物上。

相關新聞:十歐元窮遊一國

同住青年旅社

提到行程難忘經歷,原來三男三女拍攝隊曾入住青年旅社睡上下格床,蔡雪瑩笑說:「有朝早起身化妝見到洗手盆全部都係鬚,跟住咪叫佢哋要檢點啲,點知有個攝影師好快自首,不過佢又話試過喺洗手盆見到一條完整嘅假眼睫毛。子豐知道自己鼻鼾聲好大,佢通常會等我哋瞓晒先再上床,真係好有公德心!」子豐搞笑地說:「其實除咗去廁所之外,所有嘢都畀你睇晒!」
曾經是新聞主播的蔡雪瑩,參與過不少主持工作,今次是首次主持旅遊節目,她笑說:「嗰陣做啲節目好資料性,好正經又斯文,但係今次唔係,有好多地方都係未開發,唔單止令我體驗自然環境,仲實現咗我喺鏡頭前好跳脫嘅夢想,但係我𠵱家好後悔,點解露出真我!」子豐亦說:「出發前只係見過一次,點知佢一落機就咁樣,佢仲係一個好捱得嘅女仔,搞到我上咗癮同其他主播做節目。」至於會否希望繼續合作?蔡雪瑩笑說:「本來同監製講咗,下次再做記得預埋我,但係我𠵱家又有個囝囝,未必可以行到咁耐。」
服裝: Weekend Max Mara(蔡雪瑩)

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載