蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年05月30日
馬上成為壹會員

添食嘉賓出籠預埋袁彌明
阿澤「仇家多」 拍《矛盾2》

【ViuTV發圍】實況娛樂節目《跟住矛盾去旅行》成為ViuTV開台收視之冠,當然要添食第二輯。昨日凌晨播出《矛盾》番外篇,尾聲訪問了幾位「疑似嘉賓」,由於要保持神秘,遮樣之餘聲音還經過特別處理,但憑外形舉止隱約認得出幾位嘉賓,包括杜汶澤、蕭若元、陶傑、MC仁、袁彌明及侯志強等。

相關新聞:MC仁彈宇宙X唔掂 袁彌明想挑機政協

踩翠翠唔入流

片中嘉賓各自講出希望跟邊位矛盾拍檔去旅行,疑似杜汶澤承認與好多行內人有「徹底仇恨」,提起王X、容X兒和扮廣末涼子的李慧X都耍手,他說:「我以前見佢叫X哥,𠵱家哥乜鬼,直接叫全名已經好尊重。」疑似MC仁就寸爆說:「啲人唔知我做音樂,我會搵一啲人哋以為佢係做緊音樂,例如林X、宇宙X,完全只有蠢人嘅市場,只能夠呃啲唔識嘢嘅人。」有人建議袁彌明跟曾被她批評釣金龜的葉X翠,袁直指對方不入流,句句有骨。
阿澤表示要拍戲,但希望可以抽空參與,他昨搞笑說:「我覺得呢行搵同我有矛盾嘅人就好容易,仇家都好多嘅,搵朋友去旅行就難啲啫。」他稱最愛曾鈺成和長毛這個組合:「最有價值係個矛盾當中搵到共識,如果睇兩個人互相廝殺,大家可以睇番《G-1》。」袁彌明則說:「我propose幾個都未覆,可能拒絕咗。」她更指想找政協藝人去旅行。

政商、名人界都有代表,疑似嘉賓本土民主前線發言人梁天琦,被工作人員問他揀劉X卿還是葉X,他指會揀葉X,但他的矛盾拍檔似乎是同樣本土自居的侯志強。不少網民更希望蕭若元和陶傑可以一齊去旅行,據悉ViuTV曾邀兩人遊德國,但陶傑昨日在電話中否認:「冇時間。」
另外,緊接《矛盾》播出的《慳D啦Honey》將於今晚首播,講述四對情侶經過連場激鬥爭奪10萬元獎金。

相關新聞:千語同林峯父母有偈傾

《慳D啦》灑鹽花

其中一集情侶們各自為另一半分別挑選內衣和寫真集,對話中見盡賤男和港女真貌,其中參賽者Edwin笑自己女朋友Crushy飛機場身材,另一參賽者健健坦認自己喜歡「大波」和「日本妹」。而女參加者亦自爆有暗check男友將鹹片放在電腦hard disk內,監製黃慧君否認灑鹽花:「我哋宣傳片加咗AV同鹹濕方法去宣傳,但當中只有一、兩集牽涉性,但其實我哋想透過遊戲去考驗情侶。」
採訪:嵐山

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載