› 選擇地區
三藩市
紐約
洛杉磯
其他美國地區
香港 台灣 北美
 
2016年05月30日

MC仁彈宇宙X唔掂 袁彌明想挑機政協

ViuTV嘅《跟住矛盾去旅行》有機添食,喺番外篇預告咗一堆嘉賓,雖然條片就遮晒樣,不過心水清嘅觀眾就認到入面嘅人,袁彌明就係其中一個。

袁彌明接受《蘋果》訪問話﹕「之前傾過嘅,不過我propose嘅幾個人就未覆,可能拒絕咗都唔出奇,呢方面就要問返ViuTV。」係咪你搵嘅對手太辣呀?佢就話﹕「譬如葉劉淑儀啦,佢哋(ViuTV)有propose葉翠翠,但係我就覺得唔係咁好,同埋都冇可能啦。」乜你同葉翠翠好大矛盾咩?佢話﹕「其實冇乜㗎喇o依家,好多年都冇接觸過喇。」關唔關以前一齊選港姐事呀?佢就話﹕「有啲啦,都N年前喇,佢嗰時釣金龜嗰啲嘢我都有批評佢,因為好影響觀眾對港姐嘅形象。」

另外,佢仲透露ViuTV覺得侯志強同佢應該幾有火花嘅,一男一女會好睇啲,不過佢就認為侯志強可能有其他更好嘅對手。袁彌明仲諗住可以搵啲建制嘅藝人做對手,好似身為政協嘅藝人,佢又唔擔心好難先搵到,因為政協都有分「大政協」同「小政協」咁話……咁即係邊個啫?袁彌明叫大家自己諗。

相關新聞:千語同林峯父母有偈傾

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載