› 選擇地區
三藩市
紐約
洛杉磯
其他美國地區
香港 台灣 北美
 
2016年06月01日

Mark鞋

精明消費時代,入手要入得更精。
「Mark嫂」雷頌德太太梁家玉(Jade),婚前做模特兒,工作關係狂買高踭鞋;婚後做職業媽咪,湊三個仔,幫老公處理公務。Mark嫂自認鞋癡:「我係超級鍾意鞋,係一個鞋癡,屋企有過百對鞋,但我每一對都記得。」今期鞋癡經驗談,Jade覺得今年只需要四對鞋:白波鞋、閃石slip-on、厚底涼鞋和尖頭高踭鞋,就足夠一星期七天,日與夜,湊仔返工度假去ball,一律通殺。

百搭尖頭高踭鞋

高踭鞋是女人恩物,2016的高踭鞋潮興lace-up幼搭帶款,sexy亦有強烈時裝感;但論百搭必備,始終回歸最基本的尖頭密頭幼高踭。「揀classic款,尖頭高踭鞋係長期興,好少會out,晚裝之外,着套西裝返工、夜晚去飲嘢都好有型。我最鍾意買Christian Louboutin、Jimmy Choo,一般係買90mm個類,四、五吋太高就明顯唔係用嚟行路,係用嚟襯衫影相、俾人睇。」

潮人白波鞋

潮着白鞋已經差不多是常識!由碧咸嫂Victoria Beckham、鄭秀文(Sammi)、李嘉欣等中外荷李活星,人人都着,白波鞋當然是首選,襯西裝、出埠一律OK。「我着得最多一定係波鞋,湊仔、出埠都係,舒服方便,基本上我乜嘢顏色都會有,黑、白、金、銀真係首選,好易襯!白色就必備,因為最百搭,併乜嘢都得,唔會出錯。」

方便閃石Slip-on

Slip-on興了幾年,由最基本的款,今年進化到glam版潮版,華麗閃石、窩釘、蛇皮,以至皮草細節都有!「Slip-on唔使綁鞋帶,一着就行得,好方便,今季多咗好多bling bling裝飾、少少detail嘅,夜晚去飲嘢、朋友食飯,日夜都完全襯到。」

必備厚底涼鞋

夏天怎可以缺少涼鞋?近兩年興完羅馬鬥士鞋,今年潮流就吹向中性的粗搭帶、兩吋以上的厚底涼鞋,Marni向來有出,這方面最強,Chanel春夏有閃燈版本。「四對鞋走天涯的話,涼鞋、拖鞋一定唔少得,今年興厚底,我都好鍾意,可以升起成個人,身形望落都唔同晒!」

LV鞋四年未落地

擁有過百對鞋的Jade,家中設鞋櫃分門別類收藏:「屋企一個鞋櫃喺地庫,專門放波鞋、便裝鞋;另一個鞋櫃喺睡房就放高踭鞋同boots。」她強調自己對每一對鞋都瞭若指掌,不會浪費,亦儲鞋欣賞,「我有一對LV高踭鞋,係紫色絲絹,好靚,買咗四年都冇落過地,未捨得着,等如啲男仔鍾意買模型、買絕版波鞋咁係用嚟睇同儲。」
Jade愛買鞋,但從不會幫老公代勞,「我一定唔幫佢買任何嘢,因為fashion嘢,佢好有要求,快過我上網買咗。」潮Mark最抗拒情侶鞋。

撰文、造型:林妙萍
協力:陳蔚渝
攝影:林德雄
攝錄:郭賢興、周樂恒
髮型:Moe of Fifth
化妝:Krisie Wong

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載