› 選擇地區
三藩市
紐約
洛杉磯
其他美國地區
香港 台灣 北美
 
2016年06月03日

【有話兒】新加坡過江龍
陳潔儀:唱廣東歌特別有Feel

陳潔儀日前接受本報專訪,她說會在香港站演唱會加入廣東歌答謝歌迷。攝影:沈健程

新加坡歌手陳潔儀(Kit)有一口流利英語,普通話也說得比廣東話好,然而,Kit卻很喜歡唱廣東歌,能讓她找回童年的親切感。現在連「嘅」、「啦」、「咁」的廣東字都認得,她為此感到很驕傲,有外國朋友聽過她唱廣東歌,都讚她特別有感情,Kit說:「我覺得自己同呢種語言有一種默契。」
撰文:余燕儀

出名唱得的新加坡過江龍陳潔儀,將於月中假會展舉行「着迷.陳潔儀」巡唱,香港站會多唱廣東歌,她日前接受本報記者專訪說:「我好多國語歌有廣東版本,自己4年冇喺香港開騷,所以好興奮,但唔會好大壓力,以前好似賣身畀唱片公司,好多嘢好似逼住去做,呢種係無形壓力,但𠵱家就算辛苦,都係心甘情願付出。」

有童年感覺

7月推出的新碟,Kit亦打算收錄廣東歌,但只得一首:「我非常注重香港歌迷,點都要一首廣東歌,覺得係一種溝通方式,自己一直好鍾意廣東歌,覺得好好聽。」Kit的廣東話不算太流利,她坦言:「其實我母語係英文,國語都係好過廣東話,但我由97年劇本好多廣東話字都睇唔明,到𠵱家已經好驕傲,連『嘅』、『啦』、『咁』都識睇。新加坡裏面廣東人係少數,但我細個同阿爺阿嫲講廣東話,我嚟香港發展接咗《雪狼湖》,當時我嘅廣東話真係唔好,之後接住拍劇集《妙手仁心II》畀我好大幫助,嗰種感覺我唔識講,係一個感情嚟,每次嚟香港聽到廣東話,用廣東話同人溝通,好似返到童年感覺好親切。有外國朋友話我唱廣東歌特別有feel,雖然佢哋唔識聽,所以我覺得同呢種語言有一種默契。」

不欲生小孩

Kit於4年前跟拍拖13年的新加坡金融機構主管男友結婚,問到老公是否每站騷都捧場?Kit說:「唔一定嘅,因為我做嘢係六親不認,父母同老公會揀重要演出先出現。」是否跟老公協議不生小孩?她說:「我唔係好鍾意細路仔,做媽咪唔係我天職,老公都好似唔鍾意小朋友,除非可以即刻大啦。」
場地:Renaissance harbour view hotel HongKong

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載