› 選擇地區
三藩市
紐約
洛杉磯
其他美國地區
香港 台灣 北美
 
2016年06月18日

法國預影婚紗相 未過三子關
羅霖自爆男友求咗婚

羅霖昨日一身性感開胸裝出席在中環蘭桂坊舉行的記者會,為自己代理的紅白酒宣傳,同場的嘉賓還有林保怡、周美鳳、李司棋及陳欣健等。現場還放了羅霖早前在法國拍攝的婚紗照,當中有一張羅霖跟一名男士的合照,照片中二人更作狀親嘴,她親證此人是真命天子J君,而且已經求婚。

「年底畀佢見囝囝」

羅霖接受訪問時承認J君是眾多追求者之一,此次法國之旅他亦有同行,她說:「佢有同我一齊去,今次法國之行令佢加咗唔少分。本來佢話今日都要嚟,係我唔畀,因為未100%肯定,經過旅程之後,都認定佢係我幾重要嘅人。」她透露本來打算一個人拍婚紗照,不過J君知道後要求同行,全程他很溫柔及照顧自己,她說:「未過三個仔嗰關,應該年底會畀佢見囝囝。三個仔都想我搵個伴,唔想我咁辛苦。J君都有求過婚,不過我未應承,過咗囝囝嗰關先。」她笑言今次酒會就像婚禮預演,又透露J君是一名內地生意人,年紀比自己年輕十年有多,不過她認為伴侶只要有溝通,年齡差距不是問題。

羅霖又表示在全程六日的旅程中,J君不但照顧她,拍婚紗照時又替她拿鞋及提裙尾。而羅媽媽也是今次活動中首次見到J君的照片,問J君是否富二代?她說:「富唔富有唔係問題,如果下次結婚未必會大搞,通知啲親友食飯就算。」同場的李司棋表示跟羅霖合作拍劇時,覺得對方很乖,當知道她有求婚對象時,很替對方開心。
採訪、攝影:王連連

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載