› 選擇地區
三藩市
紐約
洛杉磯
其他美國地區
香港 台灣 北美
 
2016年06月18日

Ella囝囝學行 撞親後腦

官恩娜(Ella)去年10月生了混血B仔Gabriel(bébé G)後做全職媽媽,不時在Ig貼相分享囝囝成長點滴,之前bébé G出牙仔開始食固體食物如菜同飯等圖片,感受到Ella十分享受做媽媽的樂趣。bébé G不知不覺已有8個月大,近來開始學行路,昨日Ella貼囝囝戴上安全帽相,造型雖可愛,但背後原來發生了小意外,bébé G學行時跌親頭部。

曾嘔吐醫院求診

Ella在Ig用英文留言交代意外經過,她昨日亦回覆本報:「佢𠵱家學行又學企,嗰日唔小心跌到個後腦,過咗一個鐘之後就嘔,我哋擔心佢有事,所以咪帶佢去醫院,醫生話觀察吓先,睇嚟佢都唔係好嚴重。」

提到囝囝整親頭仔,Ella謂:「肉痛一定有,惟有以後小心啲,希望唔好再跌親喇,不過我都準備咗頂帽俾佢學行用。」Ella更在Ig分享BB學行路要提醒望實,否則會是一件可怕的事情,皆因bébé G會嘗試在不同地方企起身,又會爬上茶几。Ella表示為避免意外要改動客廳擺設,務求囝囝學行零意外。提到囝囝整親,不少網友都有留言與Ella交流心得,亦安撫她不用太擔心。
採訪:唐心悠

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載