› 選擇地區
三藩市
紐約
洛杉磯
其他美國地區
香港 台灣 北美
 
2016年06月21日

寄居王君馨家
裕美現身 認戀黃子恆

裕美近日被指背住老公林恩浩(Jason)暗交黃子恆,昨日上午她首度現身,與王君馨和楊明於九龍灣為無綫劇集《心理追兇》拍攝外景。一臉憔悴的裕美先向傳媒交代事件,因病聲沙的她說:「2014年我同Jason喺屋企發生咗啲事,細節我就唔講啦,當時我覺得有啲嘢可以包容同容忍,但之後我越嚟越驚,我亦唔知道應該點處理,我唔敢同人哋講,直到我覺得唔可以再同佢生活落去,所以我四處去姊妹屋企寄居。」
之後裕美承認與黃子恆關係時說:「其實我係決定離婚,但我唔想刺激到對方。今年,我同黃子恆係開始咗段感情,我承認呢件事我係做得唔好,因為我只係同佢講咗我同Jason係分開咗,我知道我係可以處理得更加好,呢個我真係真心好抱歉。其實一段婚姻,大家都有唔啱嘅地方,亦都唔想搞到今日咁嘅地步,我唔想影響Jason嘅家人同朋友。」

拒回應家暴

問裕美所指的問題是否家暴時,她說:「呢個我唔方便回應,因為我𠵱家申請緊單方面離婚。」可否覺得拖累了黃子恆?裕美說:「我好抱歉,我唔想影響到任何人,無論黃子恆又好,我身邊人又好,都係想同佢哋講對唔住。」問現時與黃子恆感情狀況及會否繼續發展,裕美則拒作交代,只說:「想搞掂自己呢邊先。」

向傳媒鞠躬

對於Jason表示沒有收過離婚通知,裕美強調一切已交由律師處理,而Jason也沒跟她聯絡,裕美續說:「我只係希望大家做唔成夫妻,都可以做朋友。」訪問後,裕美向傳媒90度鞠躬,然後就開工拍攝外景,至中午收工後前往將軍澳廣場王君馨家暫住。此外,裕美昨日接受《東張西望》節目訪問,說到感激母親體諒和信任時一度眼濕濕。
採訪、攝影:梁繼光、朱志聰

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載