› 選擇地區
三藩市
紐約
洛杉磯
其他美國地區
香港 台灣 北美
 
2016年06月23日

出口術o氹掂唐詩詠
洪永城屈前度係同性戀

35歲唐詩詠一向公認係圈中乖乖女,即使前度崔建邦多次偷食,唐詩詠仍然對佢不離不棄,網上流傳一篇《有一種女朋友叫唐詩詠》嘅潮文讚佢長情同堅定,最終唐詩詠情歸32歲洪永城。

佢哋拍拖以嚟,都大方公開戀情,人前恩愛,不過早前有傳洪永城翻兜前女友Bird,又話佢趁唐詩詠出差,就約埋Bird出席朋友聚會,二人成程黐得好埋,Bird更叫洪永城做「寶寶」,喺網上po出二人合照,寫道「我要嫁畀你」,結果傳到去唐詩詠度,搞到唐詩詠好嬲,日前仲被影到唐詩詠喺街頭黑面唔睬洪永城,點知洪永城兩日即o氹掂女友,事後洪永城仲貼出合照,留言「黐線,我哋不知幾好」不過昨日有周刊爆,洪永城咁快o氹番唐詩詠,疑有人同女友講,Bird同鍾舒漫胞妹舒祺係一對,屈Bird係同性戀,據知因為唐詩詠向身邊朋友講呢件事先爆出有人講大話,周刊都問過Bird,佢就話自己同洪永城係朋友,講嫁畀對方只係隨意抒發,不過佢就否認同舒祺係一對,直言係無中生有,又有指雖然洪永城未諗結婚,之但係佢已經o氹埋女友一齊住,最近佢哋都去睇樓築愛巢!?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載