蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年06月30日
馬上成為壹會員

【星移陣地】開餐廳叻過做藝人
陸詩韻硬淨 唔靠男人

於05年奪港姐亞軍的陸詩韻(Sharon)星運一般,眼見前路不明朗,緋聞更比演藝成就多,所以7年前毅然淡出娛樂圈,轉職商界,去年她開設自家品牌內衣店,又涉足飲食界,開設日式餐廳。曾經因為誤信前男友而負債纍纍的她,揚言要自食其力不再依靠另一半。
Sharon凡事親力親為,會返餐廳幫手:「廚房就唔會點騷擾,但輕易嘅事前工作如分意粉就會幫手做,如果有客人到,就會做番PR(公關)角色。」不過近年經濟轉差,飲食業首當其衝,所以她將開設食肆的回本期,由當初預計的9個月再延長多一點時間。

做娛圈冇成就

做生意比當藝員出色的Sharon,過去僅參演一些劇集和電影的閒角,她坦言:「我喺娛樂圈未有乜嘢成就,我諗我緋聞會多啲。啱啱選完港姐時其實係一朵小花,頭嗰年都好受保護,但卸任之後,突然變咗個普通藝員。」雖然談不上成就,但Sharon自問無悔入娛樂圈,就算再給她多一次選擇機會,依然會行同一條路。

唔接受等餵飯

至於為何熱衷於娛樂圈卻又淡出轉行做生意?她說:「其實都唔突然,我個人冇乜安全感,要我擘大口等餵飯,我接受唔到,雖然呢個圈好難拿揑,但我會繼續做,因為幫到做生意。」她和前男友吳銘偉曾合作做貿易生意,可惜沒有帶眼識人,事業、感情付之一炬,還欠下一筆債,她說:「都怪自己感情用事,信晒人、冇保護自己,呢樣嘢對我傷害係最大。以前提起呢件事個傷口仲覺得痛,𠵱家已經釋懷,我不嬲都硬淨,𠵱家會更加硬淨。」
採訪:倩宜、王梓嫚
攝影:NEO、馮峰、仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載