› 選擇地區
三藩市
紐約
洛杉磯
其他美國地區
香港 台灣 北美
 
2016年07月04日

寫書告白 新歡冇財冇勢
傅穎愛蒙古男似初戀

【《蘋果》專訪】傅穎(Theresa)入行以來是非一直停不了,跟Cookies舊隊友不和、變臉、驚爆被舊愛羅仲謙暴打,近年孤身轉戰內地發展,捱過很多辛酸,早前公開有內地男友,但先被質疑是隱形男友,後又被指搭上皮草太子王大業。Theresa不想再被屈,日前在觀塘接受本報專訪,公開男友的身份,原來他是蒙古人,比31歲的Theresa年輕3年。

大男三年

Theresa坦言兩人在片場認識:「我拍戲時佢嚟現場,開頭對佢冇乜特別感覺,佢買咗我以前啲書,睇到寫愛情覺得好touching,佢幾錫我,唔係有錢人,冇背景。」她將於今年書展出新書《向上生長,長成自己喜歡的模樣》,內地藝人安琥寫序,踢爆Theresa的男友身份:「那個男孩兒只是個北漂,一個追着電影夢的小夥,既無背景也無資歷,甚至也沒甚麼財富!」
年紀比男友大3年,兩人不介意姊弟戀?Theresa說:「呢樣𠵱家已經好普通,我哋都有諗結婚,但唔係成日講。」問到男友鍾意電影,是否娛樂圈人?她說:「同呢行有關,總之有一日啱時間,會帶出嚟見大家。好多人話蒙古人飲得,但佢一啲都唔飲得。我鍾意佢好照顧我,感覺到喺佢心中,我係好緊要。」問到男友是否很靚仔?她笑說:「OK,眼大大。」問到上段戀情有否陰影?她坦言:「我覺得一定有啲影響,但當我重新再拍拖,尤其同呢個男仔感覺好似初戀。」

內地辛酸

Theresa除了在書中講到跟男友的相處,也提到過去3年在內地的辛酸,又說到北京半年依然未適應:「當時我普通話唔係咁好,可能內地好多人講嘢好婉轉,我聽完好唔明白佢想講乜,覺得有啲無助,成日都失眠。」
撰文:余燕儀

髮型:Nichol of Hair
場地:The Wave
服裝:Blended_lab

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載