› 選擇地區
三藩市
紐約
洛杉磯
其他美國地區
香港 台灣 北美
 
2016年07月05日

寫詞千首才出第一本詞書
向雪懷保留粵語文化

從事填詞工作40年的向雪懷,作品逾千。

向雪懷最近與徒弟簡嘉明合作推出最新著作《愛在紙上游──向雪懷歌詞》,大家從中更能了解向雪懷譜詞時緣起的心態及背後故事,簡嘉明亦會從文學角度加以賞析。在詞壇遊走近四十年,作品逾千,但不愛拘束的向雪懷,曾多次婉拒執筆寫書的邀請,直至徒弟先後推出兩本著作,他笑指怎可能被超越,但不想遵循固有模式寫書,希望從中尋求突破。

感謝阿倫小鳳

早前在中環受訪的向雪懷,坦言要重拾當年填詞時背後故事很痛苦,但要感激譚詠麟與徐小鳳等前輩當年給予機會,他說:「喺阿倫身上我學到好多嘢,佢好肯畀機會新人、好有胸襟,當年如果唔係佢,《午夜儷人》就唔會有,因唱片公司要顧及歌手形象,敏感題材都唔畀唱。寫《雙城記》時,一直都唔敢畀人知內容,我去到錄音室先畀小鳳聽,當係考驗自己同睇吓小鳳胸襟,佢睇完就二話不說去錄音,好感激佢哋令無數可能胎死腹中嘅作品得到生命。」

清楚記錄歷史

不少人覺得粵語流行曲已死,但向雪懷認為電影或劇集可以用配音或其他語言推出,但粵語歌曲是無可替代,他說:「粵語流行曲由許冠傑同黃霑年代開始,係記錄一個歷史,好清楚,相對國語歌嚟講係冇咁清楚,台灣都有啲,都係校園民歌開始,一路落嚟香港歌嘅文化垂直線係好清楚。」相對其他地方,香港的寫實歌曲比較多,所以粵語文化是有需要去保留,尤其香港會受到全球華人矚目。
此外,向雪懷昨日到商台宣傳下月於紅館舉行的演唱會,表示將邀請眾多寶麗金歌手擔任嘉賓。
採訪:馬建華、盧妹
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載